Ef 1:21 - Chuj San Sebastian Bible

²¹ Yuj cha, yel xo wal niwn yel'ch Cristo 'a yib'n̈ smasnil eb' yajal, yet' jun tzo'n̈ xo eb' 'aych yajlil, yet' eb' 'ay spoder man̈ checloc, yet' eb' 'ay yopiso ya'n mandar. Wach'xam 'a jun tiempoal tic, wach'xam 'a jun tiempoal tot 'oj jawoc, yel xo wal niwn yel'ch 'a yib'n̈ smasnil eb' tzlaj b'inaxi.

Chuj San Mateo Bible

²¹ Ata', a Cristo tz'ac'an yajalil d'a yib'an̈ eb' yajal smasanil, aton eb' man̈ chequeloc, ma eb' ay spoder d'a satchaan̈. Yelxo val nivan yelc'och d'a yichan̈ masanil eb' sb'inaj yuj yopisio chi', aton eb' ay yopisio yac'an mandar d'a jun tiempoal tic, ma d'a jun tiempoal toto ol javoc.

Ef 1:21 Referans Kwoze

A Scarta San Pablo D'a Eb' Aj Colosas 2:10

Yuj cha, caw tz'acn on̈c xo ticnec, yujto junn̈j cajc yet'oc. A yajl yaj 'a yib'n̈ jantcn̈ej jun tzo'n̈ eb' 'aych yajlil, atn jun tzo'n̈ 'ay spoder ya'n mandar.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.

A Ch'an̈ Carta D'a Eb' Hebreo 1:4

A Yunnal Dios, yel xo wal niwn yel'ch 'ajnc 'a yib'n̈ eb' ángel. Yujto a jun sb'i 'ac'b'il yuj Smam 'a 'a, yel xo caw niwn yel'ch 'a yib'n̈ yic eb' ángel cha.

A Tas Sc'ulejnac Eb' Schecab' Jesús Hechos 4:12

May junc xo mach 'aj wach' tzo'n̈ colchjec, yujto a 'a yolyib'n̈q'uinl tic, may junc xo mach 'ix yac' Dios yopiso ya'n qui colnb'ilec, cojxn Jesús, xchi Pedro.

A Scarta San Pablo D'a Eb' Aj Colosas 2:15

A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

Mt 12:32

Toto 'ay mach tzin b'uchn an 'Ochnc in 'Anmal tic, 'oj stac' yajx lajwc jun smul cha. Palta a mach tzb'uchwj 'a Yespíritu Dios, may b'a'n̈ 'oj lajwc jun smul cha. Wach'xam ticnec, wach'xam 'a jun tiempoal tot 'oj jawoc.

A Ch'an̈ Carta D'a Eb' Hebreo 2:5

Wan waln yuj junx yolyib'n̈q'uinl tot 'oj jawoc. A jun cha, man̈oc 'a yol sc'ab' eb' ángel 'oj yac' Dios.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.