Ec 9:7 - Chuj San Sebastian Bible

⁷ Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Chuj San Mateo Bible

⁷ Yuj chi' caq'uec tzalajb'oc co c'ol co va'i, cuq'uec a', yujto vach' jun tic d'a yichan̈ Dios.

Ec 9:7 Referans Kwoze

Ec 10:19

A tas wach' sc'uxxi, wach' toni, ax 'u'l 'an̈, tzaljc'ojlal ton paxi, palta yuj jun tzo'n̈ tic, tznib'x to 'ay tumin.

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

Ec 8:15

Yuj cha, tzwaln an tic, ya' sb'a 'ayn̈ec 'ec' 'a yolyib'n̈q'uinl tic, to smoj wal tzon̈ tzaljec, tzqui c'uxnec tas tzqui c'uxu, tzcu'nec tas tzcuq'uej, atn yuj cha, tzon̈ munljec; tzalj coyc pax yuj qui q'uinl tzyac' Dios.

Ec 5:18

Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

A Tas Sc'ulejnac Eb' Schecab' Jesús Hechos 10:35

Tzann̈j mach 'ay xiwc'ojlal 'a Dios, wach'xam man̈ israeloc, caw tzalj yet'oc, toto wach' sb'eyb'al.

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

Dt 12:12

Tzlajw cha, tze nan sq'uin̈l jun tzo'n̈ chi 'a yojltac Jehová qui Diosalec, yet' eb' eyunnal, eb' eyisil, ewin e checab', eb' 'ix e checab', yet' pax eb' levita cajn 'a e cal, yujto a eb' levita cha, may smacl lum eb' 'oj scha eyet' 'a lum lum cha.

Jn 4:50

—Paxan̈, ma'oj cham jun onnal cha, xchi 'a winac. —'Ix ya'n 'och win sc'ojl 'a tas 'ix yal Jesús, yuj cha, 'ix pax winac.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

Mr 7:29

Yuj cha, xyaln pax 'a 'ix 'ixtic: —A jun xal 'ayn tic, caw wach'. Tztac' tzach pax 'a atut, yujto tox 'ix 'el jun demonio chi 'a 'ix one cha, xchi 'a 'ix.

Gn 12:19

'In to xal 'ayin, to anb' 'ix, ton̈j 'ix ela yic 'ijn 'ix 'och 'ix wistziloc. Ax ticnec, 'ij pax 'ix, tzlajw cha, tzach 'el 'a yol qui nacion̈ tic on̈, xchi win rey chi 'a winac.

Nm 6:20

'Oj lajwc cha, ax sb'achn 'och win ya'mal 'och sti eb' 'anma chi jun tzo'n̈ chi 'a wojltac an Jehová in, atn sn̈i sc'ojl no xajmb'al yet' pax xub' no'. To tzsi'x can 'el jun tzo'n̈ cha, yic win ya'mal 'och sti eb' 'anma chi tz'aji. Ax yic tzlajw 'ec' jun tzo'n̈ cha, a jun xya'ch sb'a nazareoal cha, tztac' xo yu'n pax yal uva cha.

Ec 7:14

Toto wach' cajc tzquila, ca'c tzaljoc qui c'ojol; palta toto man̈ wach'c cajc tzquil jun, qui nac wal si'mb'il, to a Dios 'ixta tz'utn chac'aj tic. An̈ 'anman̈ec tic, man̈ cojcoquec tas tzqui chajec qui b'a yet' 'a cojltac.

Ec 11:8

Wach'xam niwn tiempo tzquila, ca'c 'ip ca'nec tzaljoc qui c'ojol. Tzcham wal qui nanec, to niwn pax tiempo 'oj qui canc 'a campusan, man̈x 'a tas 'oj ca'c ganar ta'. Man̈xtzac nachj cujec tas yaji.

Rt 3:7

Ax win Booz, 'ix wa'i, xyu'n tas xyuq'uej, caw wal tzalj win si'mb'il. Xlajw cha, 'ix 'ec' c'otn win sway 'a stz'ey 'aj b'uln 'ec' 'ixm cebada cha. Ax 'a yic sq'ue'ac'wlil xo, caw c'un xc'och 'ix Rut 'a stz'ey winac. 'Ix yi'n chan̈ 'ix sc'u winac, xlajw cha, 'ix 'ec' c'otn 'ix sway 'a yoctc winac.