Ec 9:5 - Chuj San Sebastian Bible

⁵ A eb' 'anma mantzac chami, yojc eb' to 'oj cham eb'; palta ax eb' chamnc xo, toc 'ayt jac tas yojc eb'. Man̈x 'a sganar eb', satnc xo sc'ojl 'anma 'a eb'.

Chuj San Mateo Bible

⁵ Tato pitzan on̈, cojtac to ol on̈ chamoc, axo pax eb' chamnacxo, man̈xalaj tas yojtac eb', man̈xalaj tas syal yac'chaj d'a eb', maxtzac nachajcot eb' yuj eb' anima.

Ec 9:5 Referans Kwoze

Is 26:14

A eb' cha, chamnc xo eb', man̈x 'oj pitzwc pax eb' jun 'ejm xo; man̈x b'a'n̈ 'oj checljoc chan̈ eb'. Lajn x'aj eb' yec' 'icha wewen, tox 'ix ac' syailal eb', 'ix a'n sat 'ejm snanb'il cot eb'.

Ec 1:11

A jun tzo'n̈ tas 'ay 'a pecti cha, 'atnc xo 'a satc'ojlal cujec, 'ixta pax 'oj 'aj s'at satc'ojlal jun tzo'n̈ tas wanto sjaw 'a cojltaquec yuj eb' 'anma 'a yic b'aq'uin̈.

Salmos 6:5

A eb' chamnc xo, matz tac' ach snan cot eb'. ¿Tom 'oj stac' ach sb'itnan cot eb'?

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Job 14:21

Ax eb' cunnal on̈, man̈x cojcoc tas tz'aj 'el'ch eb'. To 'ay eb' niwn yel'ch 'oj 'ajoc, mto 'ay eb' 'emmquilal 'oj 'ajcni, man̈x 'a mach 'oj alnc 'ayn̈ yuj eb' on̈.

Ec 2:16

Yujto may xon junc eb' 'oj naxc cot b'aq'uin̈, man̈oc eb' jelan, man̈oc pax eb' may snab'en. A yic tzb'ey tiempo, tz'at satc'ojlal smasnil. A eb' jelan yet' eb' may snab'en 'oj chamn̈j eb', xin chi.

Salmos 109:15

Checln̈ej cab' yaj smul eb' chi 'a sat Dios. Sat cab' 'ejm yalx eb' 'a sat lum lum tic,

Ec 8:10

An̈jtona', 'ix wil paxi to 'ay eb' 'anma tu snab'en, a yic tzlaj mucx eb', caw wal tzb'inax eb' yuj yit 'anma'il. Ax yic tzcham eb' 'emmquilal yec' tzxitc' 'a yatut Dios, atn 'a schon̈b' eb' 'aj tilwal tas wach' sb'ojnac, a eb' cha, toc 'ay mach tznan cot eb'. A yic tzcab'nec jun tic, ton̈j tzsomchj 'el qui nab'enec yu'uj.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Ec 9:4

A eb' mantzac chami, tzat stac' to snan sb'a eb', 'intax junc no tz'i pitznto, wach' to yic no 'a yib'n̈ junc no chamnc león.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Salmos 88:13

Mamin Jehová, an xo tic a 'aych tzwal in b'a, 'a junjn sq'uin̈b'ial tzin leslwi 'ayach.

Lc 20:32

Ax 'ix 'ix cha, slajb' xoj chamnc 'ix.