Ec 9:1 - Chuj San Sebastian Bible

¹ A wal yic xwa'n 'ip in cuyn jun tzo'n̈ tic, 'ix wojcan 'eli, to a tas tzb'o eb' wach' yet' eb' jelan, a 'a yol sc'ab' Dios 'ayq'ui. May junc on̈c cojtac tas 'ayc' 'a cojltac, tom 'oj qui chamc'ojlaxi mto 'oj qui chacx 'eli.

Chuj San Mateo Bible

¹ Ayic ix vac'anoch d'a in c'ol in ch'olb'itan jun tic, ix nachajel vuuj to a tas sc'ulej eb' vach' yed' eb' jelan spensar, ayec' d'a yol sc'ab' Dios. Malaj junoc on̈ cojtac tas ay d'a quichan̈, tom ol on̈ xajanajoc, mato ol on̈ chacjoqueloc.

Ec 9:1 Referans Kwoze

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

Ec 8:14

Palta 'ay tas man̈ tojloc tzwil 'a yolyib'n̈q'uinl tic. 'Ay eb' 'anma caw wach' cob' tzyutj sb'a, ax tz'aji, caw wal tzyab' eb' syail, 'icha to 'ay smul eb'; ax pax eb' 'anma caw maysch'olnil sb'eyb'al, caw tzaljn̈ej eb', 'icha pax to may smul eb'. Yuj cha, ton̈j tzsomchj qui nab'enec yuj jun tzo'n̈ tic.

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

Is 26:12

Ach tzac' qui junc'ojlal on̈. O'oj, yuj cha, wach' tz'aj 'el'ch smasnil tas tzqui b'o 'on̈.

Pr 16:3

A smasnil tas tzlaj qui nib'c qui b'o', ca'c 'ab'enal 'a yol sc'ab' Jehová, sec 'oj 'el'choc tas nab'il cujec.

Salmos 31:5

Mamin Jehová in Diosal ach, tzwa'cn 'ab'enal in pixn 'a yol a c'ab', yujto caw yeln̈j tas tzala.

A Ch'an̈ B'ab'el Libro Samuel 2:9

Ach tza tan̈wj eb' eco', palta ax eb' maysch'olnil, ata tzcham eb' 'a scal q'uic'q'uinal. Matz tac' qui q'ue'ch yet' qui jelnal 'a mun yol quic on̈.

Ec 10:14

A eb' 'ixta tzyutj sb'a cha, matz tzactzj eb' spaxtini. An̈ec xo tic man̈ cojcoquec tas wan sjaw 'a cojltac. Toc 'ay mach tzaln cab'i tas 'oj ujc to b'aq'uin̈.

Ec 8:16

Sc'ual, yac'wlil in cuyn yuj tas tzuj 'a yolyib'n̈q'uinl tic, matz in way xon jac yu'uj.

Ec 7:25

'Ix wac' wal in tiempo in cuyni, xin sayc' yet' jelnal yic tzwojcan 'eli, tas yaj smasnil. A yic xnachj 'el jun tzo'n̈ tic wu'uj, 'ix wojcan 'eli, to man̈ wach'c 'a sat Dios yic pit tzcutj qui b'a yuj qui man̈ nab'enal.

Ec 7:15

A 'a jab' in q'uinl to may yel'ch tic, ata 'ix wil smasnil jun tzo'n̈ tic: 'Ay eb' 'anma caw wach' snab'en, palta yajn̈ej tzcham eb'. 'Ay pax eb' 'anma caw wal maysch'olnil sb'eyb'al, palta najtl tiempo tzyil eb'.

Salmos 73:3

Yujto caw xchichn chan̈ in c'ojol yic xwiln laj sq'ue'ch eb' b'an̈quintac, yet' eb' maysch'olnil sb'eyb'al.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Job 5:8

Q'uinloc an 'ixta waj 'icha aj tic, yajn̈j am cha tzwaln in b'a 'a Dios.

Salmos 119:109

'Ayn xo 'ec' 'a yol sc'ab' chamel, palta man̈ yujoc cha, sat in c'ojl 'a a cuynb'il.

Ec 9:6

A 'aj tzmucx junc mach, ata tzlajw can c'och yet' schamc'ojlal, schichnc'ojlal yet' tas maysch'olnil nab'il yu'uj. Man̈x 'a xon b'a'n̈ 'ay yaln yic 'a junc tas tzb'o 'a yolyib'n̈q'uinl tic.

Jeremías 43:6

X'ijx 'at eb' winac, eb' 'ix 'ix, eb' 'unin, eb' 'ix yisl win rey yet' smasnil eb' 'anma', atn eb' 'ajxnac can 'och 'a yol sc'ab' Gedalías yuj win comandante Nabuzaradán. In yij 'at eb' yet' win Baruc.

Job 27:12

Toto ax tic, eyiljnacx smasnil jun tzo'n̈ cha, ¿tas yuj man̈toc tojl tzeyutj eyalni?