Ec 8:4 - Chuj San Sebastian Bible

⁴ Cojxn win rey chi tztac' yaln slajb' junc paxti', may mach 'oj stac' sc'anb'n yab'i', tas tzb'o winac.

Chuj San Mateo Bible

⁴ An̈ej vin̈ rey chi' syal yalan slajvub' junoc lolonel, malaj mach syal sc'anb'an yab'i tas sc'ulej vin̈.

Ec 8:4 Referans Kwoze

Job 9:12

Q'uinloc 'ay junc tas tzyij 'ec' 'a junc mach, ¿tom 'ay junc mach tztac' yaln 'a yuj tas tzb'o cha?

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Pr 30:31

no 'ajtzo', caw tzb'an̈ sb'a no', no mam chiwo tzb'an̈ sb'a pax no', 'ixta pax tzyutj sb'a junc rey, a tzyec b'ab'ljoc sb'a yuj eb' soldado.

A Ch'an̈ B'ab'el Libro Yic Yab'ixal Eb' Rey 2:46

Xlajw cha, 'ix yaln win rey 'a Benaía, to tz'at smil cham Simei cha, yuj cha 'ix 'at Benaía 'at smila'. 'Ixtnta 'ix 'aj swach' can jun 'opiso chi 'a yol sc'ab' Salomón.

A Ch'an̈ B'ab'el Libro Yic Yab'ixal Eb' Rey 2:25

Xlajw cha, 'ix schecn 'at rey Salomón win Benaía yunnal Joiada, yic tz'at smilnc cham Adonías cha. Yuj cha, 'ix 'at winac, 'ix cham Adonías chi yu'uj.

Ex 1:18

A yic 'ix yab'n win rey jun cha, 'ix ya'n win 'awtxoc cot eb' 'ix wetz'wjum cha, 'ix yaln win 'ixtc 'a eb' 'ix: —¿Tas yuj ton̈j tzeyila tz'alj jun tzo'n̈ winc 'unn cha? xchi winac. 'Ix yaln eb' 'ix 'a win 'ixtic:

A Ch'an̈ Schab'l Libro Samuel 24:4

Palta tox 'ix ste'wtzej sb'a win rey yaln 'a Joab, yet' 'a eb' syajlil eb' soldado, to yowlal tzyiclj eb' jun cha, yuj cha, 'ix 'elt eb' 'a yojltac win rey cha, 'ix 'at eb' 'a 'aj 'ix alx cha.

A Ch'an̈ B'ab'el Libro Yic Yab'ixal Eb' Rey 1:30

Wal 'a jun c'u tic, 'oj 'el'choc tas 'ix wal 'aych 'a yojltac Jehová qui Diosal, to a ni one Salomón 'oj 'ochcn reyl in jelc 'a in despacho, xchi.

Esdras 6:13

Ax win Tatenai gobernador yaj 'a sc'axpil 'e't a Éufrates, yet' Setar-boznai, yet' pax eb' yitb'eym sb'a yet'oc, caw 'ix syiclj eb' sb'on 'icha 'ix yutj rey Darío yalni.