Ec 8:17 - Chuj San Sebastian Bible

¹⁷ 'Ix wojquej 'eli, to a smasnil tas tzb'o Dios yet' tas tz'ec' 'a tic, matz nachj 'el cujec. Wach'xam tzca'c 'ip cob' cojcanc 'eli, palta ma'oj nachjoc 'el xon cujec. Wach'xam tzcob' yal junc jeln snab'en to yojtac, palta wal yel, may junc mach tztac' yojcan 'eli.

Chuj San Mateo Bible

¹⁷ Axo ix nachajel vuuj jun to a masanil tas sc'ulej Dios yed' tastac tzuji, max nachajel cuuj. Vach'chom scac' quip cojtacaneli, palta malaj b'aq'uin̈ snachajel cuuj. Vach'chom a junoc mach jelan tz'alani to snachajel yuuj, palta val yel, malaj tas snachaji.

Ec 8:17 Referans Kwoze

Ec 3:11

Caw wach' xyutj Dios sb'on smasnil tas, toto tzb'o 'a 'icha sc'ual. 'Ix ya'n pax qui nib'quec yic tzcojcan 'elec smasnil tas tot oj ujc yic b'aq'uin̈, palta matz yac' wal cojcoc 'elec si'mb'il tas tzb'o'o.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Salmos 73:16

Xin nib'j to xnachj 'el jun tic wu'uj, palta caw 'ajltac 'ayin.

Is 40:28

¿Tom mant eyojcoc? ¿Tom mant 'a 'aj eyab'jnac to a Jehová Dios 'ayc' 'a jun 'ejmn̈ej? A b'ojnac smasnil yolyib'n̈q'uinl tic. May b'a'n̈ tz'el yip, may tz'aj sc'unb'i, may mach tza'wni snab'en 'a 'icha snab'en.

Job 5:9

A Dios til wal tas satjub'tac tzb'o'o, man̈x b'ischjb'enoc tas tzb'o cha.

Ec 11:5

Man̈ cojcoquec 'aj tzcot 'ic', man̈ cojcoquec pax tas tz'aj sq'uib' junc 'unn 'a yol sc'ojl snun; 'ixtnta pax man̈ cojcoquec tas wan sb'on Dios, atn jun Dios xb'on smasnil tas.

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Ec 7:13

Tzcham wal quilnec tas b'ob'il can yuj Dios: A tas coxo yajcn yu'uj, toc tztac' qui tojlb'tzani.