Ec 8:16 - Chuj San Sebastian Bible

¹⁶ Sc'ual, yac'wlil in cuyn yuj tas tzuj 'a yolyib'n̈q'uinl tic, matz in way xon jac yu'uj.

Chuj San Mateo Bible

¹⁶ Yacb'an svac' val och d'a in c'ol vojtacaneli yed' vilan pax tastac tzuji d'a yolyib'an̈q'uinal tic, ay b'aj max och in vayan̈ d'ac'valil in naan yuuj.

Ec 8:16 Referans Kwoze

Ec 2:23

Smasnil tiempo somc'ojlal cajec, 'al tzcab'c 'icha yal-l junc 'icatz, matz 'ilj xon jac qui nab'enec tz'ec' 'ac'wal. An̈jtona pax jun tic, may jac yel'chi.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Ec 8:9

Smasnil jun tzo'n̈ tic, 'ix wila yic xwa'n 'ip wojcan 'el tas 'ay 'a yolyib'n̈q'uinl tic. 'Ay 'aj 'ay eb' 'aych yajlil 'a scal eb' yit 'anma'il, ax tz'aji, a eb' tz'ixtn pax eb' 'anma cha.

Ec 7:25

'Ix wac' wal in tiempo in cuyni, xin sayc' yet' jelnal yic tzwojcan 'eli, tas yaj smasnil. A yic xnachj 'el jun tzo'n̈ tic wu'uj, 'ix wojcan 'eli, to man̈ wach'c 'a sat Dios yic pit tzcutj qui b'a yuj qui man̈ nab'enal.

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Gn 31:40

A 'a yic c'ual, in cham yuj c'ac', ax 'a 'ac'wal, in cham yuj si'ic, matz in wayi tz'ec' 'ac'wal.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.