Ec 8:1 - Chuj San Sebastian Bible

¹ Caw wach' yic win jeln snab'en yujto tzyojquej 'el tas 'ay 'a yolyib'n̈q'uinl tic. A sjeln nab'enal cha, a tz'a'n tzaljoc chan̈ sat, wach'xam to tu yilx sat cha.

Chuj San Mateo Bible

¹ Te vach' yic junoc mach jelan spensar, yujto syojtaquejel tas yaj yolyib'an̈q'uinal tic. A sjelanil chi' a tz'ac'an checlaj d'a sat, vach'chom to ovtaxon yilji, axo yuj sjelanil chi' scheclaj svach'il sc'ol d'a sat chi'.

Ec 8:1 Referans Kwoze

A Tas Sc'ulejnac Eb' Schecab' Jesús Hechos 6:15

Ax ewin yajl cha, yet' eb' wocn 'ejmta smasnil, 'ix 'och q'ueln eb' 'a Esteban cha. 'Ix yiln 'och eb' sat, caw lajn yilx 'icha sat junc ángel.

Dt 28:50

A jun tzo'n̈ 'anma cha, caw ow eb', may yel'ch eb' 'ichmtac winc 'a sat eb', matz 'o'ch pax sc'ojl eb' 'a eb' 'unin.

A Schab'il Carta San Pedro 1:20

A eb' schecb' Dios pecti', 'aycto stz'ib'n can eb' 'a Ch'an̈ U'un̈, yuj tastc 'oj jawoc. Palta yowlal tzcojquejec 'eli, to may junc mach tztac' scomn aln sch'ocoj, tas tzyal 'el'ch jun tzo'n̈ tz'ib'b'il can cha.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

A Tas Sc'ulejnac Eb' Schecab' Jesús Hechos 4:29

Al ticnec Mamin, 'ilt wal eb' tic, caw tzcot yowl eb' 'ayn̈ on̈. Yuj cha, 'ac' qui te'nal on̈, sec matz on̈ xiw caln 'el a paxti on̈, yujto a checb' caj on̈.

A Tas Sc'ulejnac Eb' Schecab' Jesús Hechos 4:13

Ax 'ix yiln ewin yajl cha, chajtlto caw te'n xyutj sb'a Pedro yaln yet' Juan. 'Ix yiln pax ewinac, to may 'aj cuywnac eb', comn 'anma eb'. Yuj cha, caw sat sc'ojl ewinac. 'Ix nachj 'el yuj ewinac, chajtlto jun 'e'nc eb' yet' Jesús.

Pr 17:24

Toto 'ay qui nab'enec, a cab' jelnal tzqui nib'jec, ax toto may qui nab'enec, toc 'ay tas tzqui nib'jec qui cuyu'.

Job 33:23

Palta q'uinloc a 'a scal nan̈loc yángel Dios, ata tzcot junc tzcolwj yet' jun winc cha, tzyaln 'a Dios to wach' sb'eyb'al,

Ef 6:19

Tzex leslwi pax wu'uj, sec 'oj yac' Dios nachjoc 'el wu'uj, tas 'oj wala', sec an̈ja te'n 'oj wutc waln 'el wach' 'ab'ix, atn jun ch'oxb'il yuj Dios 'ayn̈ec.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Pr 24:5

Yel xo wach' yic junc jeln snab'en 'a yib'n̈ junc mach 'ay yip; yel xo pax wach' eyico' toto 'ay tas eyojtac, 'a yib'n̈ to 'ay cob' eyip.

Pr 1:6

A jun tzo'n̈ paxti tic, tzcolwji yic tznachj 'el sc'ultac paxti eb' jelan, yet' jun tzo'n̈ spaxti eb' caw 'ajltac snachj 'eli.

Gn 40:8

—'Ay jun qui waych x'och 'a 'ac'wl tic on̈, palta may mach 'a tic tztac' yaln 'ayn̈ on̈ tas wal tzyal 'el'chi, xchi ewinac. Yuj cha, xyaln José 'a eb' 'ixtic: —¿Tom man̈oc Dios tztac' ya'n spac e waych cha? Alc 'ayin tas xeyil 'a e waych cha, xchi.

Ro 13:5

Yuj cha, yowlal tzqui yicljec tas tzyal eb' yajal. Man̈ yujocn̈ej to tzon̈ xiwc ya'n 'och eb' qui yailal, tzqui yiclniec. Palta tzqui yicljec, yujto cojquec, 'ixta tznib'j Dios.

Pr 21:29

A junc maysch'olnil snab'en, tzcob' sch'oxli to wach' yaji, palta ax junc wach' snab'en, caw tzya'ilj sb'a yet' swach' b'eyb'al.

Ex 34:35

A yic wan spaxtin cha, tzyiln eb' 'anma cha to caw tzictzni yilx sat Moisés. Cojn tzlajw spaxtini, tzmacn can pax sat yet' jun nip cha, macnn̈ej sat cha, masnto 'a yic tz'ochx paxtinc yet' Jehová, tzyi'n to pax 'el jun nip cha.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.