Ec 5:18 - Chuj San Sebastian Bible

¹⁸ Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

Chuj San Mateo Bible

¹⁸ An̈ej val jun tas vach' ix vil d'a yolyib'an̈q'uinal tic to tzon̈ va'i, scuc'an a', scac'an tzalajb'oc co c'ol yed' tas squic' d'a jantac co munlajel, d'a jab' co q'uinal syac' Dios, aton jab' chi' syac' co c'ulej d'a yolyib'an̈q'uinal tic.

Ec 5:18 Referans Kwoze

Ec 2:24

A wal tas smoj qui b'onec an̈ 'anman̈ec tic, to tzon̈ wa'ec, tzcu'nec tas tzcuq'uej, tzca'nec tzaljoc qui c'ojl yet' qui munljelec cha. 'Ix nachj 'el wu'uj, to a jun cha a 'a Dios tzcoti.

Ec 3:22

'Ix nachj 'el wu'uj, to may junc xo tas wach' qui b'onec, cojn to tzca'c tzaljoc qui c'ojl yet' tas tzquijec 'a qui munljel, yujto 'ixta yajcn 'a quib'n̈ec. ¡Toc 'ayt mach 'oj alnc cab'ec tas 'oj ujc 'a yic chamnc on̈c xo!

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Ec 8:15

Yuj cha, tzwaln an tic, ya' sb'a 'ayn̈ec 'ec' 'a yolyib'n̈q'uinl tic, to smoj wal tzon̈ tzaljec, tzqui c'uxnec tas tzqui c'uxu, tzcu'nec tas tzcuq'uej, atn yuj cha, tzon̈ munljec; tzalj coyc pax yuj qui q'uinl tzyac' Dios.

Ec 2:10

May 'aj xin tenc' tas tzin nib'ej; 'ix wac' in nab'en in b'on tas nab'il wu'uj. 'Ix wac' tzaljoc in c'ojl yet' smasnil in munljel, a jun in tzaljc'ojlal chi 'ix 'ajx spacc 'ayin.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Jeremías 52:34

'Ix ya'n̈j win sreyl Babilonia chi sgasto winac, masnto xchami.

1 Co 16:16

Tzin tew wal 'ayex, to tzeyiclj tas tzyal eb'. Tzeyiclj pax jantcn̈ej eb' lajn tzyutj sb'a 'icha eb', yujto caw tzcolwj eb', tzmunlj eb' 'a Cajlilec.

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 26:11

Tzlajw cha, tze nan junc q'uin̈ yet' eb' eyunnal, yuj smasnil tas tzyac' Jehová qui Diosalec 'ayex. Tzeyawtn cot eb' yin̈tl Leví eyet' 'a jun e tzaljc'ojlal cha, yet' pax eb' chuc chon̈b'al 'ayc' 'a e cal.

Salmos 42:8

A 'a c'ual tza ch'ox a chamc'ojlal 'ayin, ax 'a 'ac'wal tzin b'itni. Matz in 'och wan pax in leslwi 'ayach, yujto ach tzac' in q'uinal.

Ec 2:3

'Ix in nib'j wal wojcoc 'eli, tas wal junc niwn yel'ch tzqui b'oc an̈ 'anman̈ec tic, ya' sb'a pitzn on̈c jaye'oc c'u 'a yolyib'n̈q'uinl tic. 'Ix wa'lj wal wa'n tzaljoc in c'ojl wu'n 'an̈, xwa'n 'och in b'a man̈ nab'enal; palta nann̈ej wu'uj to a in jelnal tzin jucb'tzani.

Ec 6:2

Toq'ue tzyac' Dios sricoal junc 'anma' yic tzq'ue'ch yet' smasnil tas 'ay 'a 'a, palta ax tz'aji, matz 'ajx yac' sgana yet' jun tzo'n̈ cha, chucx junc 'anma tzyac' tzaljoc sc'ojl yet'oc. A jun tic, caw wal nab'an̈ej, cusc'ojlal yic tzqui nan coti.