Ec 3:4 - Chuj San Sebastian Bible

⁴ 'Ay yorail yoch 'oq'uel, 'ay pax yorail yoch tze'ej. 'Ay yorail yoch cusc'ojlal, 'ay pax yorail yoch q'uin̈.

Chuj San Mateo Bible

⁴ Ay b'aj tz'och oq'uel, ay pax b'aj tz'och tzeej. Ay b'aj ay cusc'olal, ay pax b'aj ay tzalajc'olal.

Ec 3:4 Referans Kwoze

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

Santiago 4:9

'A'c 'och e b'a 'a cusc'ojlal. Ji'jmtac cab' eyoq'ui. 'O'n̈ec si'mb'il. 'Och cab' wan e tzewji, to tzex 'oq'ui. Meltzj cab' 'och e tzaljc'ojlal chi e cusc'ojlaloc.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

2 Co 7:10

Toto tzon̈ cusc 'icha tznib'j Dios, yuj jun cusc'ojlal cha, tzqui nanec qui b'a, ax qui colchjec. Toto 'ixta', matz on̈ caw cusc yu'uj, palta 'ay junc'aj xo cusc'ojlal. A jun cha, yic yolyib'n̈q'uinl tic. A eb' tzcus 'ixta', ton̈j tz'atcn eb' 'a chaml 'a jun 'ejmn̈ej yu'uj.

Lc 1:58

Ax eb' 'ay 'a stz'ey 'ix, yet' eb' yican, 'ix laj yab'nc eb' chajtlto sch'ox Dios swach'c'ojlal 'a 'ix. Yuj cha, caw xlaj tzalj eb' yet' 'ix jun xo.

Mt 11:17

¡Niwnoc xcob' quixtj qui b'a cutz'n 'amay eyu'uj, palta ma'ix eyac' chan̈al. An̈jtona', niwnoc xcob' qui b'itnoc jun tzo'n̈ b'it caw cusltac yochi, palta ma'ix e tz'ac 'oc' pax e b'a quet' on̈! xchi eb'.

Mt 9:15

Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec. A eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayt 'ec' win tznupn chi yet' eb'? Palta at 'oj jawc stiempoal man̈x 'ayc 'ec' win yet' eb', atta 'oj 'och eb' 'a c'ajb'c'ojlal. 'Ixta 'in yet' eb' in cuywum.

A Ch'an̈ Schab'l Libro Samuel 6:16

A yic xjaw te scaxail strato Jehová chi 'a yol schon̈b' David, c'uxn wal q'ueln 'elt 'ix Mical 'ix yisl win Saúl 'a swentnual yatut, ax xyilni to a win rey David, caw wal tzb'atj chan̈ yuj tzaljc'ojlal 'a yojltac Jehová; yuj cha, schab'c'ojlan 'el 'ix win 'a spixan.

Gn 21:6

Yuj cha, xyaln 'ix Sara 'ixtic: In yac' tzewjoc qui Mam Dios; smasnil eb' 'oj 'ab'noc to 'ayx wune', 'oj tzewjoc eb' wet'oc.

Salmos 30:11

Ach in Diosal, a 'in yailal xa meltztej 'och in tzaljc'ojlaloc; 'ix ej can 'el in cusc'ojlal, ax tzaljc'ojlal 'ix a'cn 'och 'ayin.

Ec 3:5

'Ay yorail sjulx puc q'uen q'ue'en, 'ay pax yorail si'x monto q'ue'en. 'Ay yorail la'jb'a, 'ay pax yorail ma'ay.

Ec 7:14

Toto wach' cajc tzquila, ca'c tzaljoc qui c'ojol; palta toto man̈ wach'c cajc tzquil jun, qui nac wal si'mb'il, to a Dios 'ixta tz'utn chac'aj tic. An̈ 'anman̈ec tic, man̈ cojcoquec tas tzqui chajec qui b'a yet' 'a cojltac.

Is 40:1

A Jehová qui Diosalec, a tzaln 'ixtic: 'Ac' sniwnal sc'ojl eb' in chon̈ab'.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.