Ec 3:2 - Chuj San Sebastian Bible

² 'Ay yorail 'aljelal, 'ay pax yorail chamel. 'Ay yorail yawx junc tas, 'ay pax yorail sto'x cha'an̈.

Chuj San Mateo Bible

² Ay b'aj tz'alji anima, ay pax b'aj scham eb'. Ay b'aj ay avnub', ay pax b'aj stoc'ji q'ue vaan tas avab'il.

Ec 3:2 Referans Kwoze

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Job 14:5

Yujto ach tic, ach tzac' sq'uinl junjn 'anma', checl yaj jantc sb'isl sc'ul tzyila, matz tac' yec' jaye'ocx c'u yu'uj.

Gl 4:4

Palta a yic xc'och stiempoal, ya'n cot Dios Yunnal, wul 'aljnac 'el 'a jun 'ix 'icha tzon̈ 'aj calj an̈ 'anman̈ec tic. Wul ya'jnac 'och sb'a israelal. 'Ajxnac mandar yuj jun ley yic Moisés.

Lc 1:20

Ax ticnec, man̈x 'oj stac' a paxtini, masnto 'oj 'aljoc jun onnal xwal tic. 'Ixta 'oj aji, yujto ma'ix a chaj ab' tas 'ix wal 'aych tic. A jun tic, 'oj 'el'choc yic 'oj jawc stiempoal, xchi jun ángel cha.

Mt 15:13

Palta xyaln pax 'a eb' 'ixtic: —Jantcn̈ej jun tzo'n̈ te man̈ 'awb'ilc yuj qui Mam 'ayc' 'a satcha'an̈, 'oj to'x q'uet yet' sch'an̈l yib'. Yuj cha, 'icha junc te chi tzto'x q'uet cha, 'ixta 'oj 'aj eb'.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

Is 38:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amoz, win schecb' Dios, 'ix 'at win 'at yila', 'ix yaln win 'ixtic: —Tox 'ix yal Jehová oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi Isaías cha.

Job 7:1

An̈ 'anman̈ cajn on̈ 'a sat lum tic, lajn wal cab'n syal 'icha junc soldado mto 'icha junc 'anma 'aych mosoal 'a spatron̈.

A Tas Sc'ulejnac Eb' Schecab' Jesús Hechos 7:20

Atn 'a yic jun tiempoal cha, 'ix 'alj Moisés. Caw wach' 'a sat Dios. 'Oxen̈ej 'uj 'ix q'uib'tzax yuj smam snun 'a yol yatut.

A Tas Sc'ulejnac Eb' Schecab' Jesús Hechos 7:17

Ax yic wan sjaw stiempoal tz'el'ch tas yaljnac can Dios 'a Abraham cha, yic ya'n can sti 'a 'a, 'ix q'uib' chan̈ sb'isl eb' yin̈tl 'a Egipto cha. Caw niwn x'aj sb'isl eb' ta'.

Jn 7:30

Yuj cha, 'ay eb' tznib'j 'a'nc 'och 'a preso. Palta may mach 'ix yamni, yujto mantzac jaw stiempoal schami.

Lc 1:36

'Ay jun 'ix ecan Elisabet sb'i, caw chichm 'ix xo, palta 'oj 'aljoc jun swinc 'unin. Tzyal eb' 'anma', to may xon b'a'n̈ 'oj 'aljoc junc yune', palta swacl xo 'uj scuchn chan̈ 'ix yune ticnec.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Mt 13:41

An 'Ochnc in 'Anmal tic, 'oj in chec cot eb' wángel. C'uxn 'oj 'ec' smolb'tzoc eb' jun tzo'n̈ eb' tz'a'n juwc 'el snab'en eb' yit 'anma'il, yet' jun tzo'n̈ xo eb' tzb'on maysch'olnil. C'uxn 'oj 'ijxc 'el eb' 'a 'aj 'oj woch Yajlil.

Jeremías 45:4

Palta 'iltnab'an, an Jehová 'in, wan in satn 'el tas in b'ojnac, wan in to'n q'uet tas wawjnac. 'Ixta wal tas 'oj in b'o 'a smasnil nacion̈ tic.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Is 54:1

A Dios 'ix yal 'ixtc yuj chon̈b' Jerusalén: A jun chon̈b' tic lajn 'icha junc 'ix 'ix may xon 'aj tz'unewi, 'actb'il can yuj yichmil, palta ax ticnec, smoj wal yel yaw yuj tzaljc'ojlal, smoj sb'itni, yujto yel xo wal niwn yune 'oj yune'oc 'a yib'n̈ 'ix 'ix 'ayc' yichmil yet'oc.

Is 38:5

to tz'at yalx 'ixtc 'a Ezequías: A Jehová qui Diosal yet' a mam 'ichm David, a tzaln 'ixtc 'ayach: 'Ix wab' a lesal, xwiln pax oq'ui, yuj cha, 'oj wac' olajn̈ec xo ab'il a q'uinal.

Salmos 113:9

Ax eb' 'ix 'ix may xon yune', 'oj tzaljoc eb' 'ix yic 'oj 'och eb' 'ix nunb'ilal. ¡Alx cab' wach' paxti 'a Jehová!

Salmos 52:5

palta a Dios 'oj a satn 'el 'a jun 'ejmn̈ej. 'Oj ach yic' 'elt 'a yol atut, ax yi'n 'ec' a q'uinal.

Job 14:14

A junc 'anma tzchami ¿tom 'oj pitzwc paxi? Palta an xo tic, 'oj wac' techjoc in yailal, masnto 'oj c'och sc'ul wel 'a libre.

A Ch'an̈ Schab'il Libro Yic Yab'ixal Eb' Rey 4:16

Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

A Ch'an̈ B'ab'el Libro Yic Yab'ixal Eb' Rey 13:2

A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

A Ch'an̈ B'ab'el Libro Samuel 2:5

A eb' caw wal b'ut'n 'a yic yalan̈, ax ticnec tzchon̈ sb'a eb' majnil yic tz'ilchj jac tas tzc'uxu. A eb' 'ay swejel, ax ticnec, caw wal b'ut'n eb'. A 'ix 'ix man̈ 'unewumoc, ax ticnec 'ay ucwn̈ yune 'ix xyune'ej. A 'ix niwn xo yune', ax ticnec 'ix 'och wan 'ix yunewi.

Dt 34:5

Yuj cha, a win Moisés schecb' Dios, ata chamnc can win 'a yol yic lum Moab, 'icha wal yutjnac Jehová yaln 'a winac.

Gn 47:29

A yic jab'xoj scham win Israel chi tzyab'i, xya'n 'awtxoc cot José, atn win yunnal, xyaln 'a 'ixtic: —Toto 'ay wal a chamc'ojlal 'ayin, tzin tew 'ayach, to tza'ch a c'ab' 'a yaln̈ in xub' tic, yic tza ta'wni a tic 'ayin, to matz in a muc 'a Egipto tic.

Gn 17:21

A pax in trato 'ix wac' eyet'oc, 'oj 'el'choc yet' win Isaac, win onnal 'oj 'aljoc 'a 'ix Sara yab'n 'ixtc junab', xchi 'a Abraham.

Pr 24:27

Mant e b'o chan̈ eyatut, toto mant 'a tas 'ay 'ayex yic tz'ec' tiempo eyu'uj.

Is 28:24

A yic tzb'on junc munljum winc 'aj tz'awi, man̈ cojnoc t'ocj lum tzc'an sb'o', mto stojlb'tzan sat slum chi yet' q'uen rastrillo.