Ec 2:16 - Chuj San Sebastian Bible

¹⁶ Yujto may xon junc eb' 'oj naxc cot b'aq'uin̈, man̈oc eb' jelan, man̈oc pax eb' may snab'en. A yic tzb'ey tiempo, tz'at satc'ojlal smasnil. A eb' jelan yet' eb' may snab'en 'oj chamn̈j eb', xin chi.

Chuj San Mateo Bible

¹⁶ Yuj chi' vach'chom jelan on̈, vach'chom malaj co pensar, ol on̈ cham co masanil, man̈xo ol on̈ nachajcot yuj anima.

Ec 2:16 Referans Kwoze

Ec 1:11

A jun tzo'n̈ tas 'ay 'a pecti cha, 'atnc xo 'a satc'ojlal cujec, 'ixta pax 'oj 'aj s'at satc'ojlal jun tzo'n̈ tas wanto sjaw 'a cojltaquec yuj eb' 'anma 'a yic b'aq'uin̈.

Ec 9:5

A eb' 'anma mantzac chami, yojc eb' to 'oj cham eb'; palta ax eb' chamnc xo, toc 'ayt jac tas yojc eb'. Man̈x 'a sganar eb', satnc xo sc'ojl 'anma 'a eb'.

Salmos 88:12

¿Tom 'ay eb' 'oj alnc cot a tojlal, yet' smasnil tas satjub'tac yilx a b'ojnac? A 'aj 'ay q'uic'q'uinl yic chaml cha, ata tz'atcn jun tzo'n̈ chi 'a satc'ojlal.

Ex 1:8

'Ix 'ec' jun tiempoal yuj eb' ta', ax x'aji 'ix 'och junx win rey 'a Egipto cha, man̈x 'ojcab'ilc José yuj winac.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

Ec 6:8

¡Toc 'ay swach'l yic junc jeln 'a yib'n̈ pax junc may snab'en! Toto meb'a on̈ec, ¡toc 'ay tzcac' ganar yic tzcojcanec 'el qui'n b'ey qui b'a yet' eb' quit 'anmal 'a swach'il!

Ec 2:14

A eb' 'ay sjelnal, caw tzya'ilj eb' 'aj tz'eq'ui, ax pax eb' may snab'en, 'icha to q'uic'q'uinl 'aj tzb'ey eb'. Palta xnachj 'el wu'uj, to lajnn̈ej tzon̈ 'ajc 'el'chi.

Salmos 103:16

ax yic tzjaw 'ic' tzma'n can tacjoc, 'ixta tz'aj satx can 'ejm te 'a yet'l cha.

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

A Ch'an̈ Schab'l Libro Samuel 3:33

Yuj cha, sb'itnan win rey jun sb'it yic cusc'ojlal 'ixtc yuj schamlil win Abner cha. ¿Tas wal yuj 'ixta ach 'aj a cham Abner, 'icha wal tz'aj scham junc 'anma maysch'olnil?

Ex 1:6

A win José cha, yet' pax smasnil eb' yu'tac, yet' smasnil eb' ajun yet' win Jacob yic xc'och 'a Egipto cha, c'ojnc'ojnil 'ix cham eb' smasnil.

Ec 2:15

Yuj cha, xwaln 'ixtic: A 'aj tan̈b'il sc'och eb' may snab'en, a pax ta tan̈b'il in c'och junxo, yuj cha, may jac yel'ch in jelnal tic.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Ec 8:10

An̈jtona', 'ix wil paxi to 'ay eb' 'anma tu snab'en, a yic tzlaj mucx eb', caw wal tzb'inax eb' yuj yit 'anma'il. Ax yic tzcham eb' 'emmquilal yec' tzxitc' 'a yatut Dios, atn 'a schon̈b' eb' 'aj tilwal tas wach' sb'ojnac, a eb' cha, toc 'ay mach tznan cot eb'. A yic tzcab'nec jun tic, ton̈j tzsomchj 'el qui nab'enec yu'uj.

Ec 9:15

Palta a 'a jun yune chon̈b' cha, ata cajn jun win meb'a winac, cojn b'i'an to caw wal jelan. Tecn xtechj scoln jun chon̈b' chi yet' sjelnal cha, palta may mach xchan 'ab'nc tas xyala, may xon mach xyiclni.

Pr 14:8

A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.