Ec 2:14 - Chuj San Sebastian Bible

¹⁴ A eb' 'ay sjelnal, caw tzya'ilj eb' 'aj tz'eq'ui, ax pax eb' may snab'en, 'icha to q'uic'q'uinl 'aj tzb'ey eb'. Palta xnachj 'el wu'uj, to lajnn̈ej tzon̈ 'ajc 'el'chi.

Chuj San Mateo Bible

¹⁴ A mach n̈ican spensar, te vach' yilan b'aj tz'eq'ui. Axo mach malaj spensar jun, ichato d'a scal q'uic'alq'uinal sb'eyeq'ui. Vach'chom icha chi', palta lajann̈ej tz'aj co chami.

Ec 2:14 Referans Kwoze

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Pr 17:24

Toto 'ay qui nab'enec, a cab' jelnal tzqui nib'jec, ax toto may qui nab'enec, toc 'ay tas tzqui nib'jec qui cuyu'.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

1 Jn 2:11

Palta a eb' tzchichn 'och 'a eb' yit creyenteal, q'uic'q'uinl to yaj spixn eb'. 'Icha junc mach tzb'eyc' 'a q'uic'q'uinal, matz yil 'aj tz'ati, 'ixta 'eb', yujto juwnac 'el snab'en eb'.

Ec 3:19

Wal yel an̈ 'anman̈ec tic, lajn tzon̈ 'ajc qui satl yet' no noc' cha, yujto tzcham no', tzon̈ chamc paxi. Lajn tzcutjec qui'n quic' yet' no'. Man̈ 'ec'b'aloc quel'chec 'a no'. Smasnil jun tzo'n̈ tic nab'an̈ej.

Ec 9:16

Yuj cha, wach'xam a sjelnal junc win meb'a cha, to may yel'ch 'a sat 'anma', may mach tznib'n 'ab'nc tas tzyala, palta an tic tzwala to yel xo 'ay yel'ch jelnal 'a yib'n̈ yip eb' tzte'wtzej sb'a.

Ec 8:1

Caw wach' yic win jeln snab'en yujto tzyojquej 'el tas 'ay 'a yolyib'n̈q'uinl tic. A sjeln nab'enal cha, a tz'a'n tzaljoc chan̈ sat, wach'xam to tu yilx sat cha.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Ec 6:6

Toxn̈ej tzyil jun winc chi chab'oc mil ab'il, palta matz yac' sgana yet' tas wach' 'ay 'a a'. Ax 'a yic slajub', junn̈j 'aj 'oj c'och eb'.

Pr 14:8

A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.

Salmos 19:10

Yel xo wal caw nib'jub'tac 'a yib'n̈ q'uen oro caw wach'. Yel xo wal caw chi' 'a yib'n̈ no yal chab' tzat 'elt 'a sc'ate'.

Ec 2:16

Yujto may xon junc eb' 'oj naxc cot b'aq'uin̈, man̈oc eb' jelan, man̈oc pax eb' may snab'en. A yic tzb'ey tiempo, tz'at satc'ojlal smasnil. A eb' jelan yet' eb' may snab'en 'oj chamn̈j eb', xin chi.

Salmos 49:11

Wach'xam niwn lum lu'um tzman eb' yico'oc, palta nab'an̈ej. A 'aj mucn eb', ata 'ayc'n̈ej eb' 'a jun 'ejmn̈ej. Smasnil tiempo 'oj can eb' ta'

Ec 6:8

¡Toc 'ay swach'l yic junc jeln 'a yib'n̈ pax junc may snab'en! Toto meb'a on̈ec, ¡toc 'ay tzcac' ganar yic tzcojcanec 'el qui'n b'ey qui b'a yet' eb' quit 'anmal 'a swach'il!