Ec 12:5 - Chuj San Sebastian Bible

⁵ 'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

Chuj San Mateo Bible

⁵ Ol ex xiv e q'ue d'a junoc chaan̈, ayxo smay eyec' d'a yoltac b'e. Ol syamoch sacb'i xil e jolom, tevelxon̈ej ol ex ec' machaljoc, man̈xa pax tas ol e na' d'a eyetb'eyum, yujto vanxo e b'atcan d'a e cajnub' d'a campusante d'a juneln̈ej. A eb' anima d'a yoltac b'e, ol laj oc' eb' yuj e chamel.

Ec 12:5 Referans Kwoze

Job 17:13

An tic, cojxnto tzin tan̈wj in chami, ax in c'och teln in way 'a scal q'uic'q'uinal.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Pr 16:31

A mach sacx sjolom, 'icha to scorona yaj jun cha, atn chi tzyac' ganar yuj swach' b'eyb'al.

Salmos 71:18

Man̈ in actc can in ch'ocoj, wach'xam 'ichm in xo, sacx xil in jolom, palta an̈j 'ijnoc 'oj wal-l a jelnal, yet' a tojlal 'a eb' tot 'oj 'aljoc.

Job 15:10

An̈ tic on̈, caw 'ayx qui nab'en si'mb'il on̈, yujto a eb' 'ichmtac winc 'aj xquij can qui jelnal tic on̈, a eb' cha, b'ab'l 'ichm winc eb' 'a sat a mam.

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Jeremías 1:11

'Ix yaln pax Jehová 'ixtc 'ayin: Jeremías, ¿tas tzela? xchi 'ayin. Tzwil jun sc'ab' te almendro, xin chi 'a 'a.

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Pr 20:29

A eb' quelem, yuj yip eb' caw tzalj eb'; ax eb' 'ichmtac 'anma sacx xil sjolom, caw niwn yel'ch eb'.

Gn 44:31

to 'ixta', 'oj cham qui mam yuj cusc'ojlal on̈, yujto a ni quelm tic man̈x 'oj 'ilxoc ni yu'uj. An̈ wal tz'och qui mul 'a qui mam on̈, yic tzcham yuj cusc'ojlal.

Gn 44:29

Toto tzeyij 'at junx wunnal tic, q'uinloc 'ay pax tas tz'i'n na, eyuj wal b'i'an, tzin cham yuj cusc'ojlal, xchi 'ayn̈ on̈.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Jeremías 9:16

Ax wa'n sactzic can 'at eb' 'a scal jun tzo'n̈ nacion̈ to man̈ 'ojcab'ilc yuj eb', man̈ 'ojc'ab'ilc pax yuj smam yichm eb'. Ax wa'n pechxoc b'eyc'oc eb' yet' q'uen espada, masnto 'oj satl eb' smasnil, xchi Dios.