Ec 11:8 - Chuj San Sebastian Bible

⁸ Wach'xam niwn tiempo tzquila, ca'c 'ip ca'nec tzaljoc qui c'ojol. Tzcham wal qui nanec, to niwn pax tiempo 'oj qui canc 'a campusan, man̈x 'a tas 'oj ca'c ganar ta'. Man̈xtzac nachj cujec tas yaji.

Chuj San Mateo Bible

⁸ Vach'chom tzijtum ab'il squila', palta scac' quip cac'an tzalajb'oc co c'ool. Scham val co naani to nivan tiempo tzon̈ can d'a campusante, man̈xa tas scac' ganar ta', man̈xalaj yelc'ochi.

Ec 11:8 Referans Kwoze

Jn 12:35

Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Ec 7:14

Toto wach' cajc tzquila, ca'c tzaljoc qui c'ojol; palta toto man̈ wach'c cajc tzquil jun, qui nac wal si'mb'il, to a Dios 'ixta tz'utn chac'aj tic. An̈ 'anman̈ec tic, man̈ cojcoquec tas tzqui chajec qui b'a yet' 'a cojltac.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Ec 8:15

Yuj cha, tzwaln an tic, ya' sb'a 'ayn̈ec 'ec' 'a yolyib'n̈q'uinl tic, to smoj wal tzon̈ tzaljec, tzqui c'uxnec tas tzqui c'uxu, tzcu'nec tas tzcuq'uej, atn yuj cha, tzon̈ munljec; tzalj coyc pax yuj qui q'uinl tzyac' Dios.

Ec 8:12

Wach'xam 'ay 'anma 'ipn ya'n 'och smul, palta najtl pax tzyila, cojn tas wojtac, to a eb' 'ay yel'ch Dios 'a sat, caw wach' 'oj 'el'choc eb' 'a yib'n̈ eb' maysch'olnil cha.

Ec 6:11

Yel ton tas tzalxi: A 'aj niwn tas tzcalec, 'ay paxti man̈x 'a yel'chi, may jac tas wach' qui'nec 'a spatquil yic niwn tas tzcalc cha.

Mt 22:13

Yuj cha, xyaln win rey chi 'a jun tzo'n̈ eb' smoso 'ayc' yet' ta': Jalc yoc jun winc tic yet' sc'ab', tzeyi'n ati', tze juln can 'at 'a 'aj 'ay q'uic'q'uinal. Ata 'oj 'oc'oc, ax sjuch'ch'i ye yab'n syal ta', xchi winac.

Ec 6:6

Toxn̈ej tzyil jun winc chi chab'oc mil ab'il, palta matz yac' sgana yet' tas wach' 'ay 'a a'. Ax 'a yic slajub', junn̈j 'aj 'oj c'och eb'.

Ec 4:16

Wach'xam til wal sb'isl 'anma stzalj ya'n 'och win quelm chi reyal, palta ax yic b'aq'uin̈, man̈x 'a mach 'oj alnoc wach'l winac. An̈jtona jun tic, caw nab'an̈ej paxi, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:19

Yujto may yalnb'il, tom jelan mto may snab'en win 'oj macn 'ec' yico'oc in munljel xlaj wab' syal in b'on yet' in jelnal. A jun tzo'n̈ tic, caw wal nab'an̈ej.

Ec 2:17

Ax x'aji in tzactzj cha'an̈, nab'a xoj pitzn in, yujto a smasnil tas tzin b'o 'a yolyib'n̈q'uinl tic, ton̈j tzwixtj in b'a in b'oni. Mayxon jac yel'ch smasnil, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:15

Yuj cha, xwaln 'ixtic: A 'aj tan̈b'il sc'och eb' may snab'en, a pax ta tan̈b'il in c'och junxo, yuj cha, may jac yel'ch in jelnal tic.

Job 18:18

'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Job 15:23

Ax sniwnal eb' cha, a no 'usj 'oj chinoc. Yojc xon pax eb' to a tas tzjaw 'a yib'n̈ eb' cha, to ma'oj 'ec'oc.

Job 14:10

An̈ xo pax an̈ 'anman̈ tic on̈, a yic tzon̈ chami, jun 'ejmn̈ej tzon̈ chami. 'Ajm til tzon̈ c'ochcn on̈, ¿tom 'ayt 'aj tzon̈ 'ilx pax jun 'ejm xo?

Job 10:22

'Oj in can 'a jun lugar to man̈x 'a sacq'uinl tz'ilx ta', musn xoj ta 'a smasnil tiempo, 'a 'ajtil to a sacq'uinl tic, a chi q'uic'q'uinl pax yaj ta', xchi win Job.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Ec 11:2

Tzyal 'el'chi, to a tas 'ay 'ayn̈ec, tzqui pojc 'ec' 'a scal eb' 'ay tas 'ay sc'a'l tz'och yu'uj, yujto man̈ cojcoquec tas wan sjaw 'a quib'n̈ec yet' qui chon̈ab'.

Job 10:21

ya' sb'a mantzac in meltzj 'a yolyib'n̈q'uinl tic. Toto 'oj in chami, toc 'oj in jaw pax jun 'ejm xo.

Job 14:12

'ixta tzon̈ 'aj qui cham an̈ 'anman̈ tic on̈. Ya' sb'a 'ayt 'ec' satchan̈ tic, may wal junc chamnc 'anma 'oj comn pitzwc chan̈ 'aj mucan, mto 'oj comn q'ue wan 'a yet'l cha.

Salmos 49:20

An̈ 'anman̈ec tic, wach'xam caw rico on̈ec, toto matz nachj 'el cujec, lajnn̈ej 'oj cajc qui cham 'icha tz'aj scham no noc'.