Ec 10:6 - Chuj San Sebastian Bible

⁶ Yujto a eb' may snab'en, a eb' tz'ajx 'och 'a junc 'opiso niwn yel'chi, ax eb' rico, a jac comn 'opiso tz'ajx 'a eb'.

Chuj San Mateo Bible

⁶ Yujto a d'a eb' malaj spensar tz'ac'ji junoc opisio nivan yelc'ochi, axo pax d'a eb' smoj yoch yajalil jun, a junoc comon opisio tz'ac'ji.

Ec 10:6 Referans Kwoze

Pr 28:12

A yic tz'och eb' wach' sb'eyb'al 'a yopiso, caw tzalj eb' 'anma yet' eb', tzya'ch eb' q'uin̈; palta toto a eb' tu snab'en tz'och 'a yopiso, ax eb' 'anma cha, tzlaj sc'ub'c 'el sb'a eb'.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Salmos 12:8

A eb' tzlaj b'on maysch'olnil cha, tzanxn̈ej 'aj tzlaj sb'an̈ sb'a eb' yujto tzlaj tzalj eb' 'anma yet' tas maysch'olnil.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Pr 28:28

A yic tz'och eb' maysch'olnil yajlil, tzlaj sc'ub'c 'el sb'a eb' 'anma yuj eb', palta a yic tzsatl eb' maysch'olnil cha, ax eb' tojl snab'en tzniwtj cha'an̈.

Ester 3:5

A yic xyiln Amán to caw yel matz 'em cumn Mardoqueo cha, matz 'em pax n̈ojn 'a yojltac winac yic tz'ec' win 'a stz'ey, yuj cha, caw xcot yowlal.

Pr 19:10

A eb' tu snab'en, man̈ smojc ya'n eb' tzaljoc sc'ojl yet' tas wach'; 'ixta pax eb' 'aych checb'al, man̈ smojc ya'n eb' yajlil 'a yib'n̈ eb' niwc winac.

Ec 10:5

'Ay wal jun tas man̈ smojc sb'o 'a yolyib'n̈q'uinl tic tzwila, atn tas tz'el sb'on eb' 'aych yajlil.