Ec 10:16 - Chuj San Sebastian Bible

¹⁶ 'Oltac wal junc nacion̈ to quelm 'unn junc tzya'ch sreyloc, ax eb' yichmtac wincal chon̈ab', an̈j 'a 'aj 'ay q'uin̈ ata tzq'uin̈lb'i 'el eb'.

Chuj San Mateo Bible

¹⁶ Ob'iltac junoc nación to a junoc mach tzapanto spensar ayoch sreyaloc, a na an̈ej iloj q'uin̈ syac' eb' yichamtac vinaquil.

Ec 10:16 Referans Kwoze

Is 3:12

A eb' quelmtac winac a eb' tz'ixtn eb' wit chon̈ab', ax eb' 'ix 'ix, a eb' 'ix tzyac' yajlil 'a yib'n̈ eb'. Ex wit chon̈ab', a eb' tzex jucb'tzani, a eb' tzex 'ixtn paxti', tzex yij 'at eb' 'a b'eyb'al man̈ tojloc.

2 Cr 13:7

'Ix ya'ch sb'a jun tzo'n̈ winc 'isj yet'oc, tu snab'en eb'. 'Ix yac' eb' owl yet' Roboam, yunnal Salomón, yujto a Roboam cha, to quelm 'unn to, mant 'a wal snab'en. Yuj cha, mantzac stac' ste'wtzan sb'a 'a sat eb'.

2 Cr 36:9

A Joaquín wajxclajn̈e ab'il sq'uinal yic schan 'el yich ya'n reyal, 'oxe 'uj yet' lajn̈e xo c'u xyac' reyl 'a Jerusalén, palta caw maysch'olnil x'el sb'on 'a sat Jehová.

2 Cr 36:5

A Joacim 25 ab'il sq'uinal, yic schan 'el yich ya'n reyal, uxlche ab'il xyac' reyl 'a Jerusalén. Palta caw maysch'olnil x'el sb'on 'a sat Jehová sDiosal.

2 Cr 36:2

A Joacaz 23 ab'il sq'uinal yic 'ix schan 'el yich ya'n reyal, 'oxe 'uj 'ix yac' reyl 'a Jerusalén.

2 Cr 36:11

A Sedequías 21 ab'il sq'uinal yic schan 'el yich ya'n reyal, uxlche ab'il xyac' reyl 'a Jerusalén.

Pr 28:16

A junc yajl tz'ixtn eb' yit 'anma'il, may snab'en; ax pax junc yajl matz nib'n 'och c'ultac tumin, a jun cha, 'oj najtxb'oc sq'uinal.

Ec 10:15

A eb' may snab'en, ton̈j tzmac' c'unb'oc sb'a eb' smunlji, caw tz'el yip eb', 'ijn man̈xtzac stac' spaxt eb' 'a yol schon̈ab'.

A Ch'an̈ B'ab'el Libro Yic Yab'ixal Eb' Rey 12:11

Toto 'al yutjnac in mam eyicatz, an xo pax tic, yel xo wal 'al 'oj wutc eyictz cha. Toto a in mam, cojn tz'um sc'anjnac 'a yic ex sma'ni, palta an xo pax tic, a no tz'um 'aych q'uen 'a sn̈i', a no 'oj in c'anlb'oc, ax ex in ma'ni, xa chi 'a eb', xchi ewin quelmtac cha.