Ec 10:12 - Chuj San Sebastian Bible

¹² Toto tzon̈ paxtinec yet' qui jelnal, wach' tzalx 'ayn̈ec yuj qui paxti cha, palta toto tzon̈ paxtinec yet' qui man̈ nab'enal, mun tzquijec cot 'a quib'an̈.

Chuj San Mateo Bible

¹² Tato tzon̈ lolon yed' jelanil, vach' tz'alchaj d'ayon̈. Tato tzon̈ lolon yed' co man̈ pensaril jun, munil squic'cot d'a quib'an̈.

Ec 10:12 Referans Kwoze

A Scarta San Pablo D'a Eb' Aj Colosas 4:6

Wach'n̈j tzeyutj e paxtini, tze ch'oxn e wach'c'ojlal 'a eb'. Toto 'ixta', 'oj nachjc 'el eyu'uj, tas 'oj eyutc e pacn tas tzc'anb'j junjn eb' 'ayex.

Lc 4:22

Ax eb' 'ayc' ta', c'uxn xlaj yal eb' wach'il. Caw 'ix sat sc'ojl eb', yujto caw wach' jun tzo'n̈ tas xyal 'a eb' cha. 'Ix laj yal-lanc eb' 'ixtic: —'In yunnal José jun win tic. ¿'Aj xyij sjelnal tic jun? xchi eb'.

Pr 22:11

A win rey caw tzalj win yuj junc wach' nab'enal, tzch'ox win swach'c'ojlal 'a mach wach' spaxtini.

Pr 15:2

A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.

Ef 4:29

Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Pr 31:26

Caw wal jeln spaxtini, yet' wal schamc'ojlal tzcuywji.

Pr 26:9

A junc may snab'en, tzya'lj cob' yaln 'el paxti yic jelnal, a jun cha, lajn 'icha junc 'u'm 'an̈ tz'ec' yet' junc te q'uix yamb'il yuj 'a yol sc'ab'.

Pr 19:5

A mach tzya'ch sb'a testigoal 'a tas man̈ yeloc, yowlal 'oj yab' syail; toto tzyac' 'es, ma'oj colchjoc.

Pr 15:23

Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Pr 10:10

A eb' tzmutz'mutz'n yol sat snan maysch'olnil, caw tzyij cot eb' niwc yailal 'a yib'an̈. A eb' cojn comn paxti tzyala, 'oj satcn 'el eb'.

Pr 10:8

A eb' 'ay sjelnal, caw tzchaj eb' yab' checnb'il tzalx 'a 'a, palta ax eb' cojn comn paxti tzyala, 'oj satcn 'ejm eb' 'a 'ichn̈jta'.

Salmos 64:8

Mun a spaxti eb' chi 'oj 'a'nc telwoc; ax smasnil mach 'oj 'ilnc eb', 'oj b'uchxoc eb' yuj eb'.

Salmos 37:30

A eb' tojl snab'en, tzpaxtin eb' yet' jelnal, an̈jtona', tzpaxtin eb' 'a stojlal.

Job 16:5

Palta an tic matz in b'o 'ixta'. A tas tzwal am 'ayex, atn paxti wach', to tzyac' sniwnal e c'ojl 'a scal eyailal.

A Ch'an̈ Schab'l Libro Samuel 1:16

A yic wan smilx scham win cha, ya' sb'a cha, xyaln David 'a win 'ixtic: —Mun ach 'ix ej cot chaml 'a eb'an̈, yic 'ix alni chajtlto ach 'ix a mil cham jun win rey sic'b'il 'och yuj Jehová, xchi.

Ec 4:5

'Ay 'aj tzalxi to cojn eb' may snab'en, an̈j eb' may jac tas tzb'o'o, tzya' cham sb'a eb' yuj wejel.

Ec 9:17

Yel xo wach' cab'nec spaxtin junc 'ay snab'en to c'un spaxtin 'a yib'n̈ pax yic tzcab'n spaxtin junc rey may snab'en to caw ow spaxtini.

Ec 12:11

A spaxti eb' jelan, lajn wal 'icha stotz'b' junc no noc'. A yic schan sb'a jun tzo'n̈ paxti cha, yic xwa'n 'och eb' 'a stzolil, lajn 'icha junc 'istaca tzma'x can 'ejm 'a yol lu'um. A jun tzo'n̈ paxti cha, a Dios Quilmalec a x'a'n 'ayn̈ec.

Ec 5:2

Tzcham wal qui nanec b'ab'el, 'ixta to b'i'an, tzqui ta'wniec junc tas 'a Dios, yujto at 'a satchan̈ 'ayq'ui, an̈ec xo tic, sat lum 'aj 'ayn̈ec 'eq'ui. Yuj cha, tzqui naln̈ejec tas tzcala.

Ec 5:6

Man̈ ca'c 'och qui mul qui comn ta'wniec junc tas, ax tz'aji, a yic tzwul schanoc junc mach to 'aych 'a yib'n̈ schani, tzcalnec to satc'ojlal cajec yic xqui ta'wniec cani. Man̈ qui tzuntzquec cot yowl sc'ojl Dios yet' tas tzcalec, yujto 'ay smay satn 'el tas tzlaj qui b'o'ec.