Ec 1:9 - Chuj San Sebastian Bible

⁹ A smasnil tas 'ayc' ticnec, 'ayc' xon 'a yic pecti', may junc tas tzat qui b'o'ec, junc tas man̈ sb'ojnacc eb' 'anma cha, may junc tas to tzat checlj chan̈ cujec.

Chuj San Mateo Bible

⁹ Masanil tas ay ticnaic, aytaxon d'a peca'. Malaj junoc tas sco c'ulej ticnaic to man̈ sc'ulejnacoc eb' anima d'a peca' chi'. Malaj junoc tas toto scheclaj cuj ticnaic.

Ec 1:9 Referans Kwoze

Ec 3:15

A tas 'ayc' ticnec, toxn 'ayc' xon 'a yic pecti', ax tas tot 'oj jawoc, toxn 'ayc' xon pax 'a yaln̈tax cha, ton̈j tzmeltztej sb'a yuj Dios.

Ec 6:10

A tas 'ayc' ticnec, toxn tzalx xon 'a pecti'. An̈ 'anman̈ec tic, cojc xon tas cajec. Matz tac' qui tenec qui b'a yet' qui Mam Dios yujto 'ec'b'al yip 'a quib'n̈ec.

Ec 2:12

Xlajw cha, xin yamn 'och in nani tas wal yaj jelnal yet' man̈ nab'enal. ¿Tas wal to 'oj sb'o junc xo win 'oj 'och reyl in jeloc? A tas b'onc xon 'a yic pecti', wach' xon yaji.

Apoc 21:1

Xlajw cha, xwiln jun 'ac' satcha'an̈, yet' jun 'ac' yolyib'n̈q'uinal. Yujto a jun b'ab'l satcha'an̈, yet' jun b'ab'l yolyib'n̈q'uinal, satnc 'eli. An̈jtona a mar, man̈x 'a a'.

Ec 7:10

Toto 'ay qui nab'enec matz calc 'icha eb' may snab'en, yujto a eb' cha tzyal eb' 'ixtic: A 'a pecti' caw wach' xcottch tiempo, ax ticnec caw wal tzjuwi, xchi eb'.

Jeremías 31:22

¿B'a'n̈ to 'oj eyoch wan eyoyb'x 'ec' 'icha junc 'ix 'ix tzoyb'x 'ec' yuj stenmtaquil? An Jehová in tic, 'oj wac' ujc junc tas to mant 'a 'aj tzuj 'a yolyib'n̈q'uinl tic, to a junc 'ix 'ix, a 'oj tan̈wnoc junc winac, xchi Dios.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

Is 43:19

'Ay jun tas 'oj in b'o', mant 'a 'aj tzuj xoni, 'oj eyil nab'an. 'Oj in jac jun b'e 'a lum cusltac lu'um, ax wa'n b'ey yoct a a 'a sat lum tacn̈ lu'um.

Apoc 21:5

Ax jun wocn 'ejm 'a sdespacho cha, a 'ix aln 'ayn 'ixtic: —'Ilto, tzin b'o smasnil tas, caw 'a't tz'aji, xchi. 'Ix yaln pax 'ixtc 'ayin: —Tz'ib'j jun tzo'n̈ wan ab'n tic, yujto a jun tzo'n̈ paxti tic, caw yel. Tztac' a'n 'och yipc a c'ojol, xchi.

Ec 1:10

'Ay eb' tzcob' alnoc: A jun tic tzat pitzw chan̈ 'a qui cal, xchi cob' eb'. Palta a junc tas cha, toxn 'ayc' xoni yic mantzac on̈ jawc an̈ec tic.