Ec 1:2 - Chuj San Sebastian Bible

² ¡Caw wal nab'an̈ej! ¡Smasnil tas may xon jac yel'chi!

Ec 1:2 Referans Kwoze

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Ro 8:20

Yujto a jun tzo'n̈ tas sb'ojnac Dios, c'uxn juwnac xo, man̈x 'a swach'il. Man̈ munoc sjujnac sb'a 'ixta', yujto a Dios 'a'jnac juwoc. Palta 'ay wal jun tiempoal tan̈b'il sjawi,

Ec 5:10

Toto caw wal tzqui nib'jec tumin, may b'a'n̈ xon tz'och wan qui nib'nec tumn cha. Toto tzqui nib'jec tzon̈ 'ochc ricoal, may b'a'n̈ 'oj calec, to colb'ilxo tas 'ay 'ayn̈ec, man̈ yujoc cha tzcalec to tzc'och qui c'ojol.

Ec 12:8

An alm in 'el 'ab'x tic, an tzwal jun 'ejm xo: to a smasnil jun tzo'n̈ tic, may xon jac yel'chi.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:19

Yujto may yalnb'il, tom jelan mto may snab'en win 'oj macn 'ec' yico'oc in munljel xlaj wab' syal in b'on yet' in jelnal. A jun tzo'n̈ tic, caw wal nab'an̈ej.

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Ec 2:23

Smasnil tiempo somc'ojlal cajec, 'al tzcab'c 'icha yal-l junc 'icatz, matz 'ilj xon jac qui nab'enec tz'ec' 'ac'wal. An̈jtona pax jun tic, may jac yel'chi.

Ec 2:17

Ax x'aji in tzactzj cha'an̈, nab'a xoj pitzn in, yujto a smasnil tas tzin b'o 'a yolyib'n̈q'uinl tic, ton̈j tzwixtj in b'a in b'oni. Mayxon jac yel'ch smasnil, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 11:8

Wach'xam niwn tiempo tzquila, ca'c 'ip ca'nec tzaljoc qui c'ojol. Tzcham wal qui nanec, to niwn pax tiempo 'oj qui canc 'a campusan, man̈x 'a tas 'oj ca'c ganar ta'. Man̈xtzac nachj cujec tas yaji.

Ec 6:11

Yel ton tas tzalxi: A 'aj niwn tas tzcalec, 'ay paxti man̈x 'a yel'chi, may jac tas wach' qui'nec 'a spatquil yic niwn tas tzcalc cha.

Ec 4:8

'Ay mach sch'ocoj, may xon junc yunnal, mto may junc yu'tac, palta matz 'ilj xon jac smunlji, matz 'och wan sayn 'ec' sricoal. May 'aj tzyec sna jac 'ixtic: ¿Mach yu'uj tzwixtn in b'a in munlji? ¿Tom 'ay mach 'aj 'oj can jun tzo'n̈ tic wu'uj? ¿Tas yuj may jac tzaljc'ojlal tzwila? tom xchi. A jun cha, nab'an̈ej.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 3:19

Wal yel an̈ 'anman̈ec tic, lajn tzon̈ 'ajc qui satl yet' no noc' cha, yujto tzcham no', tzon̈ chamc paxi. Lajn tzcutjec qui'n quic' yet' no'. Man̈ 'ec'b'aloc quel'chec 'a no'. Smasnil jun tzo'n̈ tic nab'an̈ej.

Ec 2:21

'Ay eb' caw c'asan, jeln eb' sb'on smunljel yet' tas yojtac, palta ax tz'aji, chucx mach 'aj tzcani. A junc cha, man̈x 'a syaloc 'a 'a, yujto man̈oc xyab' syal smunlji, palta a tz'i'n can smasnil. A jun tzo'n̈ cha, nab'an̈ej wal b'i'an, caw wal man̈ smojc 'ixta'.

Ec 11:10

'Ijec 'el e b'a 'a 'ilc'ojlal, man̈ ex 'och 'il yuj junc yailal 'a e niwnal, yujto a eyip caw wal yajn̈ej tz'eq'ui, may jac yel'chi.

Ec 4:16

Wach'xam til wal sb'isl 'anma stzalj ya'n 'och win quelm chi reyal, palta ax yic b'aq'uin̈, man̈x 'a mach 'oj alnoc wach'l winac. An̈jtona jun tic, caw nab'an̈ej paxi, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:15

Yuj cha, xwaln 'ixtic: A 'aj tan̈b'il sc'och eb' may snab'en, a pax ta tan̈b'il in c'och junxo, yuj cha, may jac yel'ch in jelnal tic.

Job 11:12

'Icha matz tac yalj junc 'anma 'a junc no calte'al b'uru, 'ixta pax junc mach may snab'en 'icha ach tic, ¿tom 'ay 'oj 'aj sjaw snab'en?

Salmos 89:47

Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.

Ec 2:8

Til wal q'uen plata yet' q'uen oro 'ix in molb'tzej; cotnc q'uen 'a jun tzo'n̈ eb' rey caw rico 'a jun tzo'n̈ xo chon̈ab'. 'Ay eb' winac yet' eb' 'ix 'ix xlaj b'itnc 'a wojltac. 'Ay pax eb' 'ix 'ix to'tnb'a yoch wistloc, caw in tzalj yet' eb' 'ix.