Dt 9:21 - Chuj San Sebastian Bible

²¹ Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.

Chuj San Mateo Bible

²¹ Elan̈chamel in maq'uem vecnaj jun yechel vacax b'aj och e mul chi'. Elan̈chamel in yumb'at d'a cal c'ac'. Slajvi chi' in tenan pojoc, in tzipancanb'at d'a yol a a' tz'emta d'a lum vitz chi'.

Dt 9:21 Referans Kwoze

Ex 32:20

Yajn̈j wal cha, 'ix 'at stza'noc 'elt jun yechl quelm wacx cha, sjuln 'at 'a scal c'ac', stenn chojoc, pococ xoj 'ix 'aji. Ax jun spoccal cha, 'ix ya'n 'ejm 'a scal a', 'ix yecn yuc' eb' israel chi jun a a cha.

Is 31:7

Yujto 'ay jun c'ul 'oj jawoc, e masnil ax tic, c'uxn 'oj e jul-l jun tzo'n̈ yechel, atn jun tzo'n̈ b'ob'il yet' plata yet' oro, caw 'ochnc e mul e b'on jun tzo'n̈ cha.

Os 8:11

A eb' 'aj chon̈b' Efraín, til wal jun tzo'n̈ yet'l xajmb'al xlaj sb'o eb', yuj yel smul eb' yalni, palta yuj jun tzo'n̈ yet'l xajmb'al cha, tzwach' 'a'n 'och eb' smul.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Dt 9:20

An̈jtona', caw wal xcot yowl Jehová 'a yib'n̈ Aarón. 'Ix snib'j wal 'a yajn̈ej 'ix satl Aarón cha, palta in leslwi yu'uj, yuj cha, ma'ix chami.

Miqueas 1:7

Caw choc' 'oj wutc can jun tzo'n̈ yechel, c'uxn 'oj in satl jun tzo'n̈ comn dios cha. Smasnil jun tzo'n̈ yelwnub'l yol yet'l eb' comn dios cha, 'oj in n̈uscn tz'a'oc. Yujto a yet' q'uen tumn yic 'ajmulal 'ajxnac b'o'oc, yuj cha, a jantc to ma'oj tz'a'oc, 'oj c'anxoc pax jun 'ejm xo 'a 'ajmulal, xchi Dios.

A Ch'an̈ B'ab'el Libro Yic Yab'ixal Eb' Rey 15:13

'Ay jun yechl Asera 'ac'b'il b'o yuj 'ix Maaca, atn 'ix snunchichm winac. Yuj jun cha, 'ix yi'n 'el win sb'inab'ilal snunchichm cha. 'Ix sma'n poj win Asa chi jun yechl cha, axta 'ix 'at sn̈us tz'a win 'a sti a niwn a Cedrón.

2 Cr 34:7

A yic 'ix lajw sma'n poj jun tzo'n̈ yet'l xajmb'al, jun tzo'n̈ sch'oxnb'il Aserá cha, jun tzo'n̈ yechl tzeyb'il b'o'oc, yet' pax smasnil jun tzo'n̈ xo yechl 'a smasnil yol yic Israel, 'ixta to b'i'an, 'ix paxx cot 'a Jerusalén.