Dt 9:19 - Chuj San Sebastian Bible

¹⁹ Caw wal in xiwi yic xwab'n scot yowl Jehová 'a eyib'an̈. A xwutj wab'ni, tox ex lajw 'el yuj muc'uc. Palta 'ix yab' to wal Jehová tas xwal 'a jun 'ejm xo cha.

Chuj San Mateo Bible

¹⁹ Te xiv in yujto cot yoval sc'ol Jehová chi' d'a eyib'an̈ yic tzex sataneli. Palta jun, yab'to Jehová tas val d'ay junelxo chi'.

Dt 9:19 Referans Kwoze

Dt 10:10

'Ix yaln pax Moisés: A 'a jun tiempoal cha, chawinc c'u chawinc 'ac'wl in can 'a sjolm lum witz cha, 'icha 'ix wac' 'a b'ab'el. An̈jtona', 'ix schaj pax Jehová yab' tas xwal 'a 'a, yuj cha, ma'ex satl yu'uj.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Ex 33:17

'Ix yaln Jehová 'ixtc 'a Moisés: A jun tzo'n̈ paxti tzal tic, 'oj in b'o 'icha tzal cha, yujto caw tzach wa'ch yipc in c'ojol, caw wojc ach paxi, xchi Dios 'a Moisés.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Dt 9:8

A yic 'ayn̈ 'ec' 'a lum yich witz Sinaí, ata xe tzuntzj cot yowl sc'ojl Jehová. Caw wal xcot yowl sc'ojl 'a eyib'an̈. Yuj cha, jab'xoj wal ma'ex smil cham e masnil.

A Ch'an̈ Carta D'a Eb' Hebreo 12:21

Caw xiwnc eb' yiln jun tzo'n̈ cha. An̈jtona Moisés, yaljnac 'ixtic: Caw tzin 'ib'x yuj xiwlal, xchi.

Ex 34:10

'Ix yaln Jehová 'ixtc 'a Moisés: Chaj ab' tas 'oj wala'. A ticnec tzin b'ocn jun in trato tic et' 'a sat smasnil eb' et chon̈b' tic. 'Oj in b'o jun tzo'n̈ tas satjub'tac yilxi, jun tzo'n̈ to mant 'a 'aj tzb'o 'a junc nacion̈ 'a sat lum lum tic. Ax smasnil eb' 'anma ajun et' tic, 'oj yil eb' smasnil tas 'oj in b'o', caw wal satjub'tac yilx tas 'oj in b'o 'a e cal.

Dt 9:20

An̈jtona', caw wal xcot yowl Jehová 'a yib'n̈ Aarón. 'Ix snib'j wal 'a yajn̈ej 'ix satl Aarón cha, palta in leslwi yu'uj, yuj cha, ma'ix chami.

Dt 11:17

toto 'ixta tzeyutj e b'a, 'oj cot yowl sc'ojl Jehová 'a eyib'an̈. Man̈x 'oj ya' cot n̈ab' 'a stiempoal. Ax lum lum cha, man̈x 'oj yac' lum sb'a'al, ax e cham yuj wejel. 'Ixta wal 'oj eyaj 'a sat lum lum caw wach' cha, lum 'oj yac' Jehová eyico'oc cha.

Salmos 78:59

Caw xcot yowl sc'ojl Dios yic xyiln jun tzo'n̈ cha. Yuj cha, xyi'n can 'el eb' quit israelal chi 'a sc'ojol,

Nm 11:2

Smasnil eb' chon̈ab', 'ix 'awj chan̈ eb', sc'ann eb' scolwal Moisés, yuj cha, 'ix leslwi 'a Jehová yuj eb', cojn cha, 'ix tup jun c'ac' cha.

Salmos 106:19

A 'a yich lum witz Sinaí, ata sb'o eb' jun yechl quelm wacx nab'a oro, xlajw cha, xya'n 'ejm sb'a eb' 'a jun yechl cha.