Dt 9:14 - Chuj San Sebastian Bible

¹⁴ Yuj cha, 'ij 'el a b'a 'a wojltac, yujto 'oj in satl jun tzo'n̈ 'anma tic, man̈x 'a 'aj 'oj b'inaxc eb' 'a sat lum lum tic. Cojxn yet' eb' en̈til, ata 'oj in b'o jun nacion̈ caw niwquil, caw jeln 'oj 'aj 'el'chi, 'ec'b'al 'oj 'aj sb'isl eb' 'anma chi 'a yib'n̈ eb' tic, xchi.

Chuj San Mateo Bible

¹⁴ Nitzel a b'a d'a vichan̈, ol in satel juntzan̈ anima tic, man̈xa b'aj ol b'inaj eb' d'a sat luum tic. An̈ej d'a in̈tilal ol in b'o junoc nivan nación, te tec'an ol ajoc, tzijtum ol aj sb'isul d'a yichan̈ juntzan̈ anima tic, xchi Jehová.

Dt 9:14 Referans Kwoze

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

Salmos 9:5

A'jnac owl yet' junjn nacion̈. 'Ix a satn can 'el eb' xb'on maysch'olnil. 'Ix a sucn can sat sb'i eb' 'a jun 'ejmn̈ej, sec man̈x 'a b'a'n̈ tznax cot eb'.

Apoc 3:5

A eb' 'oj 'a'nc ganar ya'n techjoc, 'oj 'ajxc 'och junjn spichl eb' caw sac. Ma'oj in suc sat sb'i eb' 'a ch'an̈ libro yic q'uinl 'a jun 'ejmn̈ej. 'Oj wal yuj eb' 'a sat in Mam, yet' 'a sat eb' yángel, chajtlto wic eb'.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Salmos 109:13

Sat cab' 'el yin̈tl 'a jun 'ejmn̈ej, man̈x 'a cab' b'a'n̈ tzalb'tan̈x sb'i.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 14:11

'Ix yaln Jehová 'ayn 'ixtic: Man̈ ach tewoc 'ayn yuj swach'loc eb' 'anma 'a jun chon̈b' tic.

Pr 10:7

A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Dt 32:26

'Ix in na'a, to tzin pechcn 'at eb', tzin satn can 'el eb' 'a sat lum lum tic, sec man̈x b'a'n̈ 'oj b'inaxc eb'.

Esdras 9:14

Toto tenmtac tzcutj qui b'a jun 'ejm xo 'a a checnb'il, junn̈j pax tzcutj qui b'a yet' jun tzo'n̈ 'anma chuc chon̈b'al maysch'olnil sb'eyb'al cha, ¿tom ma'oj cot yowl a c'ojl 'a quib'n̈ on̈, ax on̈ a satn 'eli? Smoj am man̈x 'a junc on̈ tzon̈ can 'a qui pitznal on̈.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Jeremías 7:16

Ach Jeremías, man̈ ach leslwoc yuj jun chon̈b' tic. Man̈ al 'ayin, man̈ ach 'och tecn 'ayin, man̈ ach tewc 'ayn yu'uj, yujto ma'oj in ta'w 'ayach.

Is 48:19

Man̈x yalnb'ilc am sb'isl eb' eyin̈til, lajn am eb' 'icha yarenail sti a mar, toto 'ixta', ma'ex in satli, ma'ex wij pax 'el 'a wojltac, xchi Dios.