Dt 9:12 - Chuj San Sebastian Bible

¹² 'Ix yaln 'ayn 'ixtic: 'Ixic, paxn̈ 'ejm muc'uc, yujto a jun chon̈b'al eb' 'anma 'ix ej 'elt 'a Egipto, caw wal 'ix juw 'el eb'. Ma'ix syiclj eb' in checnb'il alb'il can wu'uj, yajn̈ej sb'on eb' jun sdiosal to nab'a oro.

Chuj San Mateo Bible

¹² Yalan icha tic: Eman̈xi d'a elan̈chamel, yujto a jun chon̈ab' ix iq'uelta d'a Egipto toxo ix sjuel sb'a. Max sc'anab'ajejlaj tas ix vala', toxo ix sb'o jun sdiosal eb' nab'a oro.

Dt 9:12 Referans Kwoze

Jueces 2:17

Palta a eb' israel cha, ma'ix schaj eb' yab' tas xyal eb' tzcoln eb' cha, palta to 'ix 'och tz'a'n eb' yuj jun tzo'n̈ comn dios, atn jun tzo'n̈ 'aj tzyac' 'ejm sb'a eb'. Yajn̈j cha xyi'n 'el sb'a eb' 'a jun b'eyb'al sb'eylb'ejnac eb' smam yichm eb'. A wal eb' smam yichm eb' cha, caw yiclum yutjnac sb'a eb' 'a schecnb'il Jehová, palta ax eb', man̈ 'ixta'oc xyutj sb'a eb'.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Gl 1:6

A Dios 'awtjnacn̈ec yuj swach'c'ojlal Cristo. Palta caw tzsat in c'ojl eyu'uj, yujto wan laj eyactn can Dios muc'uc. Ax ticnec, wan cob' eya'nc 'och e nab'en 'a junx chuc 'ab'xil yic colnb'il tzalx 'ayex.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.

Salmos 78:57

Lajn wal xyutj sb'a eb' 'icha eb' smam yichm eb'. 'Ix yij 'el sb'a eb' 'a stz'ey Dios, man̈x yiclumoc xyutj sb'a eb' 'a 'a. Man̈x wach'c xyutj sb'a eb', lajn xoj eb' 'icha junc jul-lab' to coxo.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

Dt 9:16

Ax yic in 'emli, 'ix wilni b'ob'ilx jun yechl wacx e diosaloc. Tox 'ix 'och e mul 'a Jehová qui Diosalec. Yajn̈ej xeyi'n 'el e nab'en 'a schecnb'il tzyac' e b'eylb'oc.

Dt 4:16

Tzeyil wal e b'a, man̈ eyixtc 'el e b'a yic tze b'on junc yechl e diosaloc. Man̈ e b'o yechl junc winac mto junc 'ix.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Dt 5:15

Tze na coti chajtlto 'e'nc ex mosoal 'a Egipto, 'aj to man̈ eyico'oc e b'a, palta an xo ex wij 'elt ta'. Xin ch'ox wal 'ilxoc in poder. Yuj cha, xwal 'ayex to yowlal tzeyiclj sc'ul 'iljelal.

Dt 9:26

'Ix waln 'a 'ixtic: Mamin Jehová, man̈ a satl jun a chon̈b' tic, yujto ach xa col 'elt yet' a jelnal, yet' a poder xe'n 'elt 'a Egipto yic tz'och eco'oc.

Dt 9:29

Palta a jun chon̈b'al eb' 'anma tic, ec ton wal yaj eb', ach ejnac 'elt eb' 'a Egipto yet' wal a niwquil poder, xin chi 'a 'a.