Dt 9:10 - Chuj San Sebastian Bible

¹⁰ Ata 'ix yac' Jehová chapachn̈ q'uen q'uen chi 'ayin, caw a 'ix stz'ib'n eb' q'ue'en. A jun tzo'n̈ paxti 'aych 'a eb' q'ue'en, atn jun tzo'n̈ alb'il 'elt yuj 'ayn̈ec 'a scal te c'ac', yic yamnon̈c 'a yich lum witz cha.

Chuj San Mateo Bible

¹⁰ Slajvi chi', yac'an chab' pachan̈ q'uen q'ueen chi' Jehová d'ayin. A val Jehová chi' tz'ib'anoch schecnab'il chi' d'a q'ueen, juntzan̈ checnab'il yalnac d'a jolom vitz d'a cal c'ac' d'a jun c'u ayic molan on̈ ec' ta'.

Dt 9:10 Referans Kwoze

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.

Dt 18:16

Atn ton wal jun chi c'anb'il eyuj 'a Jehová Dios, yic yamn on̈c qui masnil 'a yich witz Sinaí yic eyaln 'ixtic: Man̈xtzac qui nib'j cab' sjaj Jehová Dios jun 'ejm xo, man̈xtzac qui nib'j pax quil jun niwquil c'ac' cha, sec ma'oj qui chami, xe chi.

Dt 10:4

'Ix stz'ib'n pax 'och Jehová jun tzo'n̈ lajn̈e checnb'il chi 'a eb' q'ue'en. 'Icha wal yutjnac stz'ib'n eb' q'uen b'ab'l cha, atn jun tzo'n̈ yaljnac pax 'ayn̈ec 'a scal te c'ac', yic yamnon̈c 'a yich lum witz cha. A 'a sjolm lum witz cha, ata 'ac'b'il eb' q'uen 'ayn yuj Jehová.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

Lc 11:20

Palta yujn̈ej spoder Dios, tzin pechn 'el ewin demonio chi 'an tic. Yuj cha, tzcheclji, chajtlto tox 'ix syamch Dios ya'n yajlil 'a qui calec.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.