Dt 8:8 - Chuj San Sebastian Bible

⁸ A lum lum cha, caw wal yelb' trigo, cebada, uva, higo, granado, olivo, 'ay pax no yal chab' ta'.

Chuj San Mateo Bible

⁸ A d'a lum luum chi', te vach' tz'aj ixim trigo, ixim cebada, te' uva, te' higo, te' granado yed' te' olivo. Te ay pax noc' yal chab'.

Dt 8:8 Referans Kwoze

Jn 6:13

Yic 'ix lajw schan can pax eb', 'ix b'ut'j can pax lajchwe xuc pan chi xyac' sobra 'a o'e pan cebada cha. Palta caw 'ix wa eb' smasnil.

Salmos 147:14

A tz'a'n junc'ojlal a qui lugar 'aj 'ayn̈ec, tzya'n qui wa 'ixm trigo caw wach'.

Dt 32:14

Til wal lech yet' queso 'oj yac' e wacax. 'Oj e chi no quelm calnelu, no mam calnelu, yet' no chiwo 'ay 'a Basán. 'Oj e wa 'ixm trigo caw wach', ax eyu'n yal uva.

Jn 6:9

—'Ay jun win 'unn 'ayc' 'a tic, yet' o'e span cebada, yet' chac'otn̈ schay. Palta ¿tom 'oj 'e'choc jab' tic 'a scal eb' smasnil? 'In caw niwn eb', xchi 'a Jesús.

Habacuc 3:17

An tic, caw 'ay in tzaljc'ojlal oj Jehová ach in Colmal. Wach'xam matz nichn te higo, wach'xam matz satn te uva yet' te olivo, wach'xam may sat smasnil 'awb'en; wach'xam tzsat 'ejm no calnelu, yet' no wacx 'a yol scolal, palta 'oj waln̈j in wach' paxti 'ayach.

Miqueas 4:4

Yuj cha, smasnil 'anma', 'oj can eb' 'a tzaljc'ojlal. Junjn mach 'oj stac' yilj 'a yen̈l yich te uva 'awb'il yu'uj, yet' pax 'a yich te higo. A Jehová tztac' yuj smasnil, a 'ix 'a'n can sti 'a jun tic.

Os 2:22

Ax ya'n pax 'ixm trigo 'a lu'um, yal uva yet' aceite. 'Ixta 'oj wutc in pacn slesl eb' in chon̈b' 'awb'il wu'uj.

Os 2:8

Yuj sb'eyb'al eb' wit israelal cha, yuj cha xyaln Jehová 'ixtic: Ma'ix yojquej 'el jun chon̈b' tic, toto an tzwac' strigo, yal yuva, yet' yaceite, an xwac' niwtjoc q'uen plata yet' q'uen oro 'a 'a, ax 'ix 'at comn 'a'nc q'uen 'a Baal.

Ez 27:17

'Ixta pax eb' 'aj Judá yet' eb' israel, tzwulc' pax eb' manwjoc 'ayach. A tas tzya'cn eb' stojloc tas tzman cha, atn 'ixm trigo tz'el 'a Minit, 'ixm pan pastel, no yal chab', aceite yet' jun tzo'n̈ bálsamo.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Is 7:23

A junc lum 'aj 'awb'il junc mil 'ib'n̈ uva, jun mil tumn plata stojl 'a yic pecti', ax 'oj 'ajoc, a 'a jun tiempoal cha, 'oj satl jun 'awb'ente cha, 'oj q'uib'x chan̈ sc'ultcal, nab'a q'uix 'oj 'ajx cani.

A Ch'an̈ B'ab'el Libro Yic Yab'ixal Eb' Rey 5:11

'Ix ya'n Salomón tas 'ay tz'och yuj Hiram 'a junjn ab'il: 75 mil quintal 'ixm trigo, 115 mil galón aceite yic olivo.

A Ch'an̈ Schab'l Libro Samuel 4:6

Ax 'ix tan̈m sti puerta 'ayb't 'ix chayj trigo. Ax x'aji xcot swayn̈ 'ix ta', yuj cha, a yic xc'och Recab yet' Baana cha, 'ix 'och eb' 'a yol yatut Is-boset cha, may xon junc mach x'iln eb'.

Salmos 81:16

Q'uinloc syiclj eb' israel tas xwal cha, to 'ixta', ax 'ixm trigo caw wach' a xwac' swa eb', xwa'n am yuc' eb' no calte'al yal chab', xchi Dios.

Gn 49:11

A mach tzpixn 'och sb'uru 'a jun 'ib'c te uva, yet' mach tzju'n 'el spichl yet' yalil te uva cha,

Dt 8:7

Yujto a Jehová qui Diosalec, a 'oj eyi'n 'och 'a sat lum lum caw wach'. Til wal a a 'a lum ch'olctac, 'ay a spac'b'a', 'ay pax a niwc a tzcot 'a lum jolmctac witz.

Dt 8:9

A 'a jun lugar cha, may tas 'oj e na yuj tas tze c'uxu, may pax tas 'oj e na yuj junc xo tas. A 'a scal q'uen q'ue'en, ata 'oj 'ilchjoc q'uen hierro eyu'uj, ax 'a eb' lum jolmctac witz, ata 'oj eyic' 'elt q'uen cobre.

Dt 32:13

'Oj eyijx 'at yuj 'a lum jolmctac witz, 'oj laj e c'ux tas 'ay 'a sat lum lum cha, 'oj laj eyuc' yal chab' tz'elt 'a sat q'uen q'ue'en, yet' aceite tz'elt 'a te olivo tzlaj pac' 'a sat q'ue'en.

Nm 13:23

'Ix c'och eb' 'a lum span̈nil sti a niwn a Escol, ata 'ix sch'in 'elt eb' jun c'ojlab' te uva, ax 'a jun te', ata slocch eb', chawn̈ mach x'i'ni. Xlaj yi'nc pax eb' te granada yet' te higo.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

A Ch'an̈ Schab'il Libro Yic Yab'ixal Eb' Rey 18:32

'Oj ec' jun tiempoal eyuj 'ixta', ax wul ex yi'nc eb' soldado win qui reyl on̈, ax ex 'at ya'n win can 'a jun lum lum to lajn yet' eyic tic, tz'el trigo, tz'el uva 'a sat lu'um, ax e b'on e pan, ax eyu'n yal uva, yet' yal chab', slumal olivo yet' aceite, wach' 'oj 'ec' eyu'uj, ma'oj e chami. Palta man̈ e cha eyab' tas tzyal Ezequías cha, yujto ton̈j tzex yixtj paxti' yic tzyaln 'ixtic: A Jehová 'oj qui colnec, xchi cob'i'.

Jeremías 2:7

An wijnac 'och eb' 'a sat jun lum lum caw 'ay syaxil sat tic, sec wach' tzc'ux eb' tas wach' tz'el-l 'a sat lu'um. Palta ax xo ax yin̈tl ex eb' tic, ex cajn ex 'a sat in lum tic, caw xjuw 'el lum eyu'uj, eyuj ton wal b'i'an, yuj cha, man̈xtzac in nib'j jun lum tic.