Dt 7:6 - Chuj San Sebastian Bible

⁶ Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

Chuj San Mateo Bible

⁶ A on̈ tic schon̈ab' on̈ Jehová Dios, sic'b'il on̈ elta yuj d'a scal masanil juntzan̈ nivac nación d'a sat lum luum tic, yic vach' yicn̈ej Jehová chi' tzon̈ ajcani.

Dt 7:6 Referans Kwoze

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Dt 26:19

A 'oj eya'n 'och niwquil chon̈b'al. 'Oj e b'inax 'a swach'ilal. Niwn eyel'ch pax 'a sat jun tzo'n̈ xo nacion̈ b'ob'il yu'uj. 'Ixta wal 'oj eyaj 'icha yutjnac yalni, jun chon̈b' to yicn̈ej Jehová Dios yaji, xchi Moisés.

Jeremías 2:3

A yic cha, wic eyaj ax israel ex tic, 'icha wal sb'ab'l sat 'awb'en. An Jehová in, an tzwala, to a smasnil eb' ex 'ixtni, x'och smul eb', xwa' cot yailal 'a yib'n̈ eb', xchi Dios, xa chi 'a eb', xchi 'ayin.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Salmos 50:5

Tzyaln 'ixtic: Molb'tzej cot eb' to wicxo yaji, eb' xya' yofrenda 'ayin yic sb'on eb' jun strato wet'oc, xchi.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.

Dt 28:9

Toto tzeyiclj smasnil schecnb'il Jehová, tze b'eylb'an pax sb'eyb'al, 'oj ex yalch schon̈b'oc, 'icha wal yutjnac yaln cani.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.

A Tas Sc'ulejnac Eb' Schecab' Jesús Hechos 13:17

A qui Diosalec an̈ israel on̈c tic, a si'jnac can 'el eb' qui mam quichmec. A yic 'ayc' eb' 'a scal eb' chuc chon̈b'al 'a Egipto, a 'a'jnac can 'och eb' niwc chon̈b'al. Xlajw cha, xyi'n 'elt eb' 'a Egipto chi yet' spoder.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.

Dt 14:21

Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

Dt 26:18

An̈jtona ticnec, 'ix yal Jehová to an̈ israel on̈c tic, to yicn̈ej cajec, sic'b'iln̈ec 'el yu'uj, 'icha yutjnac yaln 'ayn̈ec, yuj cha, yowlal tzqui yicljec smasnil schecnb'il.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

A Ch'an̈ B'ab'el Libro Yic Yab'ixal Eb' Rey 3:8

Palta 'ayn xo 'och yilmalc a chon̈b' 'ix a si'cn 'el tic. A jun chon̈b' tic caw wal niwquil, man̈xtzac stac' sb'ischj eb' 'anma tic, til wal sb'isl eb'.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Is 41:9

An ton ex wij cot 'a 'aj tzlajw c'och sti lum lu'um, ex wawtn cot 'a 'aj caw najt eyajcn 'ati. 'Ix waln 'ayx 'ixtic: In checb' ex, xin chi. An ex in si'cn 'eli, ma'ex in patquilj 'eli.

Is 62:12

A eb' israel, 'oj alxoc yuj eb', to Schon̈b' Dios eb', atn smasnil eb' tzcolx 'el yuj Jehová; ax yaln eb' 'anma yuj chon̈b' Jerusalén, To Caw Nib'b'il Jun Chon̈b' cha. Man̈x 'Actb'ilc Cani, 'ixta 'oj sb'ic yuj eb' 'anma cha.

Lv 20:24

An wal wa'jnac can in ti', to 'oj wac' slum eb' chi eyico'oc. An 'oj ex wi'ch 'a sat lu'um, atn lum caw 'ay syaxil sat. An Jehová e Diosal in tic, an ex in poj 'elt 'a scal jun tzo'n̈ xo chon̈ab'.

Lv 20:26

Ax tic, wach' cab' tzeyutj e b'a 'ayin, yujto an Jehová in tic, caw wach'nn̈ej. An ex in pojcn 'elt 'a scal jun tzo'n̈ xo chon̈ab', sec tzex 'och wico'oc.

Dt 4:37

A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.

Esdras 9:2

A eb' cha, wan laj yi'lan sb'a eb' yet' eb' chuc chon̈b'al cha, tzlaj yi'n pax sb'a yunnal eb' yet' eb' 'ix yisl jun tzo'n̈ 'anma cha, yuj cha, a schon̈b' Dios tox 'ix scalj sb'a yet' jun tzo'n̈ chuc chon̈b'al cha. A eb' xb'ab'l 'och smul cha, atn eb' yajl yaj 'a qui calec, xchi eb' 'ayin.

Salmos 114:2

a 'a chon̈b' Judá, ata tzyal sb'a eb' 'anma 'a Jehová, atn tz'a'n yajlil 'a yol smacb'en Israel.

Salmos 135:4

A si'jnacn̈ 'el an̈ yin̈tl on̈c Jacob tic, sec tzon̈ 'ochc yico'oc.

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Ez 20:5

Al yab' eb' to an Jehová Yajl in, an tzwal 'ixtic: A yic in si'n can 'el win Israel, 'ix wa'n can in ti 'a eb' yin̈til, yic in paxtin yet' eb' 'a Egipto. Ata 'ix walcn 'a eb', to an Jehová in, an ton sDiosal in eb'.