Dt 7:5 - Chuj San Sebastian Bible

⁵ Palta a tas 'oj e b'o', to 'oj e satl smasnil 'aj tzyal sb'a eb' 'anma cha, tze ma'cn poj q'uen q'ue'en, yet' te te 'aj tzlaj yac' 'ejm sb'a eb', tzlaj e n̈usnoc can tz'a sdiosal eb' cha.

Chuj San Mateo Bible

⁵ Tze satpaxel masanil sdiosal eb' b'aj slesalvi, yaltaril yed' q'uen q'ueen yed' te te' yechel Asera b'aj tz'och eb' ejmelal. Tze n̈ustz'a smasanil.

Dt 7:5 Referans Kwoze

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Dt 16:22

Man̈ e b'o chan̈ q'uen q'uen 'aj tzyac' 'ejm sb'a eb' 'anma'. A jun tzo'n̈ cha, yajb'il 'el yuj Jehová Dios.

Dt 9:21

Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.

Dt 7:25

A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Ex 32:20

Yajn̈j wal cha, 'ix 'at stza'noc 'elt jun yechl quelm wacx cha, sjuln 'at 'a scal c'ac', stenn chojoc, pococ xoj 'ix 'aji. Ax jun spoccal cha, 'ix ya'n 'ejm 'a scal a', 'ix yecn yuc' eb' israel chi jun a a cha.

Nm 33:52

tze pechl smasnil eb' 'anma cajn 'a jun tzo'n̈ nacion̈ cha. Tze ma'n can poj smasnil yechl 'aj tzyal sb'a eb', atn eb' q'uen q'uen b'ob'il yuj eb', q'uen josb'il, yet' smasnil jun tzo'n̈ smacsej eb' 'ay 'a jolmctac witz, c'uxn tzema'cn juwoc.

Dt 16:21

Man̈ e comn 'awc junc te te', yic tz'och sch'oxnb'ilc jun comn dios tzcuch Asherá. Man̈ e comn 'awc te 'a stz'ey yet'l xajmb'al yic Jehová qui Diosalec.

2 Cr 14:3

Yujto 'ix yij 'el jun tzo'n̈ yet'l xajmb'al yic jun tzo'n̈ comn dios 'a yopiso, yet' smacsej eb' 'anma 'a jolmctac witz; sma'n poj jun tzo'n̈ q'uen q'uen niwn yel'chi, sma'cn poj pax jun tzo'n̈ sch'oxnb'il comn dios Aserá.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

A Ch'an̈ Schab'il Libro Yic Yab'ixal Eb' Rey 10:26

'ix yi'n 'elt eb' jun tzo'n̈ yechel, 'ix sn̈usntz'a eb'.

1 Cr 14:12

'Ix yactn can eb' filisteo jun tzo'n̈ sdiosal ta', ax David 'ix 'a'n n̈usxoc tz'a'oc.