Dt 7:25 - Chuj San Sebastian Bible

²⁵ A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Chuj San Mateo Bible

²⁵ Tze n̈ustz'a sdiosal eb'. Man̈ eyiq'uel q'uen plata ma q'uen oro ayoch d'ay. Man̈ e nib'ejochi yic vach' max ex telviel yuuj. Man̈ eyixtejb'at e b'a, yujto a juntzan̈ chi' schacji yuj Jehová co Diosal.

Dt 7:25 Referans Kwoze

Ex 32:20

Yajn̈j wal cha, 'ix 'at stza'noc 'elt jun yechl quelm wacx cha, sjuln 'at 'a scal c'ac', stenn chojoc, pococ xoj 'ix 'aji. Ax jun spoccal cha, 'ix ya'n 'ejm 'a scal a', 'ix yecn yuc' eb' israel chi jun a a cha.

1 Cr 14:12

'Ix yactn can eb' filisteo jun tzo'n̈ sdiosal ta', ax David 'ix 'a'n n̈usxoc tz'a'oc.

Dt 17:1

A no wacax, no calnelu mto no chiwo 'ay tas palta 'a sniwnal, man̈ eyac' no xajmb'al-l 'a Jehová qui Diosalec. A jun tzo'n̈ noc' cha, yajb'il no yuj Jehová.

Josué 7:21

A 'a scal jun tzo'n̈ tas 'ay 'a Jericó, ata xwij cot jun te pichl cotnc 'a Babilonia, yujto caw wach' yilxi. Xwi'n cot chab' ciente q'uen plata yet' jun teln̈ q'uen oro, 'ec'b'al jun libra yalil. 'Ix in nib'j 'och jun tzo'n̈ tic, yuj cha, xwi'n coti. Ata mucn eb' wuj 'a yol in mantiado. A 'a yaln̈ te pichl cha, ata c'ub'b'il 'el q'uen tumn chi wu'uj, xchi winac.

Dt 12:3

Ma'c poj yet'l xajmb'al eb', tze juln poj q'uen q'uen 'aj tzlaj yal sb'a eb', tze n̈usntz'a te te tzb'o eb' sdiosalc cha. Tze satl smasnil, sec man̈x 'a 'aj 'oj b'inaxc eb' 'a jun tzo'n̈ lugar cha.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Josué 7:1

Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Dt 23:18

A q'uen tumn tzchaj eb' 'ix, mto eb' winc 'a spatquil yajmulal, man̈ e cha yac' eb' q'uen 'a junc 'aj ya'jnac eb' sti ya'n 'a Jehová Dios, yujto a jun b'eyb'al cha, caw yajb'il 'el yuj Dios.

Dt 7:5

Palta a tas 'oj e b'o', to 'oj e satl smasnil 'aj tzyal sb'a eb' 'anma cha, tze ma'cn poj q'uen q'ue'en, yet' te te 'aj tzlaj yac' 'ejm sb'a eb', tzlaj e n̈usnoc can tz'a sdiosal eb' cha.

Apoc 17:5

Ax 'a snan̈l sat, 'aych jun sb'i may mach 'ojtnac. Xchi jun sb'i chi 'ixtic: A niwquil Babilonia, snun eb' 'ix 'ajmul 'ix smasnil. Snun pax smasnil maysch'olnil 'a yolyib'n̈q'uinal, xchi.

Sofonías 1:3

'Oj in satl eb' 'anma', no noc', no ch'ic, yet' no chay. 'Oj wac' syailal eb' 'anma maysch'olnil sb'eyb'al, ax wa'n lajwc 'el smasnil 'anma 'a sat lum lu'um.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Ex 8:26

'Ix ta'w Moisés, xyaln 'ixtic: —Matz tac' 'ixta', yujto a no noc' tzcac' xajmb'al-l 'a Jehová qui Diosal on̈, niwn yel'ch no 'a e sat ax 'aj Egipto ex tic. Yuj cha, toto tzyil eb' 'anma qui ma'n cham no noc' chi 'on̈, wal yel tzon̈ sjulq'uenej eb' on̈.

Ex 20:17

Man̈ e nib'c 'och yatut junc eyit 'anma'il, man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och ewin smoso, eb' 'ix ya'mal servil, swacax, sb'uru, mto junc xo tas 'ay 'a 'a, xchi Dios.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

A Ch'an̈ Schab'il Libro Yic Yab'ixal Eb' Rey 23:14

An̈jtona', 'ix ya'n win ma'xoc poj jun tzo'n̈ q'uen q'uen to niwn yel'chi, yet' jun sch'oxnb'il Asera cha. Xlajw cha, 'ix ya'n win julxoc can 'at sb'acl eb' chamnc 'anma 'a 'aj 'ayc' eb' cha.

Lv 13:52

Tzann̈j pichlal, mto yamc'ab' to 'ayx jun c'uxmtac chi 'a 'a, yowlal tz'ajx tz'a smasnil, yujto a jun cha, niwn tas tztac' sjuw 'el yu'uj.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Is 41:24

Palta ax tic, caw may jac eyel'chi, toc 'ay tas tztac' eyu'uj. A eb' tzyac' 'ejm sb'a 'ayex, smoj spatquilx can 'el eb'.