Dt 6:6 - Chuj San Sebastian Bible

⁶ A jun tzo'n̈ paxti tzwalcn 'ayx tic, molc can 'a e nab'en.

Chuj San Mateo Bible

⁶ A juntzan̈ lolonel sval tic d'ayex ticnaic, siq'ueccan d'a e pensar.

Dt 6:6 Referans Kwoze

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Pr 7:3

Nab'iln̈ej cab' eb' o'oj, tza moln can wal eb' 'a a nab'en.

Dt 11:18

Yuj cha, molc can jun tzo'n̈ paxti tic 'a e nab'en yet' 'a e pixan, tzeya'ch 'a e c'ab' yet' 'a snan̈l e sat.

Salmos 37:31

'Ayc'n̈ej sley Dios 'a snab'en eb', yuj cha, may xon b'a'n̈ 'oj telwc 'ejm eb'.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

Dt 32:46

Xyaln 'a eb' yit chon̈b' chi 'ixtic: Nac wal si'mb'il 'a yib'n̈ smasnil jun tzo'n̈ xwalcn 'ayx tic, cuyc eb' eyunnal, sec tzb'eylb'ej eb' smasnil jun ley tic.

Salmos 119:11

Tzin mol a paxti 'a in nab'en, sec matz 'och in mul 'ayach.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Pr 3:5

Yet' wal smasnil a c'ojol, tza'n 'och a nab'en 'a Jehová, man̈ a'ch a jelnal yipc a c'ojol.

Lc 2:51

Xlajw cha, xpax yet' eb' 'a Nazaret. Yiclumn̈ej xyutj sb'a 'a eb', 'icha xon sley. Ax snun cha, smol jun tzo'n̈ chi 'a snab'en, caw tznab'tan̈ej.

Salmos 119:98

A jun tzo'n̈ a checnb'il tic, a eb' x'a'n sjelnal in nab'en 'a yib'n̈ eb' 'ajc'ojl yajch 'ayin, yujto 'ayc' eb' 'a in nab'en.

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

2 Jn 1:2

'Ay qui chamc'ojlal 'ayx on̈, yujto a jun cuynb'il caw yel tic, 'aych 'a qui c'ojlec 'a jun 'ejmn̈ej.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

A Ch'an̈ Schab'l Libro Samuel 22:23

'Ayc'n̈ej smasnil schecnb'il 'a in nab'en, may 'aj xwij 'el in nab'en 'a sley.

Dt 11:20

Tz'ib'jec 'och jun tzo'n̈ paxti tic 'a spiralil eyatut yet' 'a spuertail e chon̈ab'

Salmos 119:13

Smasnil jun tzo'n̈ a ley alb'il can o'oj, 'oj wal-l eb' 'a scal in b'it.

Salmos 119:30

'Ix in sayn 'ec' jun b'e yic tojlal, ax a ley, a tzin nib'j wojcoc 'eli.