Dt 6:11 - Chuj San Sebastian Bible

¹¹ A eb' te n̈a 'ay ta', b'ut'n yet' tas wach' 'ay 'a yojol, palta man̈oc ex b'ut'jnac. 'Ay a 'uc'b'il a joyb'il, palta man̈oc ex joyjnac. 'Ay te uva yet' te olivo 'awb'il ta', palta man̈oc ex 'awjnac. Toxn̈ej 'oj e c'ux tas 'ay 'a jun lugar cha, ax e b'ut'j wal si'mb'il.

Chuj San Mateo Bible

¹¹ Ay val te' pat b'ud'an yuj tastac te vach', man̈oc ex e b'ud'nac. Ay a' uc'b'ila' joyb'il, man̈oc ex eyab'nac syail e joyani. Ay te' uva yed' te' olivo avab'il, man̈oc ex eyavejnac. A juntzan̈ chi', toxon̈ej ol eyab'lej masanto syal e b'ud'ji.

Dt 6:11 Referans Kwoze

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Jueces 3:7

Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'.

Dt 11:15

An̈jtona', 'oj yac' q'uib' te c'ultc 'oj slo e cajb'en noc', ax xo tic, caw 'oj yac' sobra tas tze c'uxu.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

Dt 19:1

'Ix yaln pax Moisés 'ixtic: A yic tox satl Jehová qui Diosalec eb' 'anma 'a jun tzo'n̈ nacion̈ cha, ax ya'n slum eb' chi eyico'oc, ax e cajn schon̈b' eb' yet' pax yatut eb',

Josué 24:13

An xwac' e lum 'aj ex 'aji, palta man̈oc ex to xeyawj sb'al lu'um, xwa'n eyatut 'aj tzex can cajan, palta man̈oc ex xe b'o'o. Al ticnec, cajnexx 'ec' 'a sat lu'um, tze lon sat te uva 'ay 'a lu'um, yet' te olivo, palta man̈oc ex eyawjnac te', xchi Jehová 'ayn̈ec.

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Salmos 105:44

'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.