Dt 5:33 - Chuj San Sebastian Bible

³³ A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Chuj San Mateo Bible

³³ B'eyb'alejec b'eyb'al ix sch'oxcan Jehová co Diosal, yic te vach'xon̈ej ol aj e b'eyb'ati, ol najatb'oc e q'uinal d'a sat lum luum ol yac' chi' d'ayex.

Dt 5:33 Referans Kwoze

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Salmos 119:6

Toto 'ixta', matz in q'uixwi yic tzin nan cot smasnil a checnb'il cha.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Ef 6:3

Yujto tzyal pax 'ixtic: Toto 'ixta', caw tzaljc'ojlal eyico'. 'Oj najtxb'oc e q'uinl 'a yolyib'n̈q'uinl tic, xchi jun checnb'il cha.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

Dt 11:9

yic wach' najtl 'oj eyec' 'a sat lu'um, atn lum ya'jnac Jehová sti ya'n 'a eb' qui mam quichmec, yet' 'a yin̈tl eb'. A jun lum cha, caw wal wach' lu'um.

Dt 12:25

Man̈ e c'ux jun tzo'n̈ cha, sec wach' 'oj eyel'ch yet' eb' eyunnal, yujto yiclum tzeyutj e b'a 'a sat Jehová.

Dt 12:28

Tzcham wal eyab'n jun tzo'n̈ tzwal tic, yowlal tzeyiclj smasnil, sec wach' 'oj eyaj 'el'ch yet' eb' eyunnal b'aq'uin̈, yujto wach' tzeyutj eyiclni tas tojl 'a sat Jehová qui Diosalec.

Dt 22:7

cojn e no cotc chi tzeyama, ax no snun cha, tzeyactj can 'at no'. Toto 'ixta 'oj e b'o', caw wach' eyico', 'oj najtxb'oc e q'uinal.

Jeremías 42:6

Wach'xam tzchaj qui c'ojol, mto matz chaj qui c'ojl tas 'oj yutc spacn 'ayach, 'oj qui yiclcn̈ej 'a Jehová qui Diosalec, atn jun 'aj xqui c'an 'ayach, to 'oj a c'anb'c 'a 'a, sec wach' 'oj quelc c'ochi, xchi eb'.

Ez 20:19

An Jehová e Diosal in, an tzwal 'ayx 'ixtic: Yiclum cab' tzeyutj e b'a 'a in ley yet' 'a in checnb'il, tze b'eylb'ani.

Dt 5:16

'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.

Dt 8:1

'Ix yaln Moisés 'ixtic: Wach' tzeyutj e b'eylb'an jun tzo'n̈ checnb'il wan waln can 'ayx tic, sec wach' 'oj eyel'chi. 'Oj q'uib' e b'isul, ax e cajn lum lum 'aj ya'jnac can Jehová sti ya'n 'a eb' qui mam quichmec.

Dt 29:8

Xqui'nec can 'ec' slum eb', xca'n lum yico'oc eb' yin̈tl Rubén, eb' yin̈tl Gad, yet' spacl eb' yin̈tl Manasés.

Dt 30:16

Yuj cha, tzwalcn 'ayx ticnec to tze chamc'ojlej Jehová qui Diosalec, tzex 'och tza'n yu'uj, tzeyiclni schecnb'il, yet' scuynb'il. Toto 'ixta', wach' 'oj eyaj e b'ey 'a swach'il. Caw 'oj niwtjoc e b'isul, ax ya'n Jehová syaxilal 'a eyib'n̈ 'a sat lum lum 'oj eyico'oc cha.

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.

A Ch'an̈ Schab'il Libro Yic Yab'ixal Eb' Rey 17:37

An̈jtona', tzeyiclj pax smasnil in checnb'il, in ley, in cuynb'il to tz'ib'b'il can wuj 'ayex; palta man̈ eyal e b'a 'a jun tzo'n̈ comn dios.

1 Cr 28:8

A ticnec jun, 'a e sat e masnil ex wit israelal, ex schon̈b' Jehová, yet' 'a yojltac qui Diosalec tzon̈ 'ab'ni, cham wal waln 'ayex, to tze cuy smasnil schecnb'il Jehová qui Diosal, tzeyiclni paxi, sec wach' 'oj e caj jun chon̈b' to man̈x jantcoc swach'l tic, ax xo 'oj eya'cn lum smacloc eb' eyunnal 'a smasnil tiempo.

Salmos 37:9

A eb' tzb'on maysch'olnil 'oj satxoc 'el eb' yuj Jehová. Palta ax eb' tzya'ch sc'ojl 'a 'a, 'oj can cajn eb' 'a sat lum lum tic.

Salmos 37:11

A eb' 'emmquilal yeq'ui, 'oj scaj eb' lum lum tic; ax ya'n eb' snab'en yaj cajn 'a sat lum 'a junc'ojlal.

Salmos 37:22

A eb' 'aj tz'ajx yaxilal, a eb' 'oj cajnc lum lum tic, ax pax eb' tzcatb'tzax can 'eli, 'oj satxoc can 'el eb'.

Salmos 37:29

A eb' 'anma tojl snab'en, a eb' 'oj 'i'noc can lum lum tic smacloc, 'oj 'aj cajn eb' 'a sat lum 'a smasnil tiempo.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,