Dt 4:38 - Chuj San Sebastian Bible

³⁸ 'Ix yij 'el jun tzo'n̈ nacion̈ 'a cojltaquec, jun tzo'n̈ caw 'ec'b'al to sjelnal 'a quib'n̈ec. Palta an̈ xo tzqui maccn slum eb' tic quico'oc, 'icha ton wan yuj tic.

Chuj San Mateo Bible

³⁸ Van satanel juntzan̈ nivac chon̈ab' te ec'to yip d'ayon̈ yic squiquejcan slum eb' chi', icha val van yuji ticnaic.

Dt 4:38 Referans Kwoze

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Dt 11:23

to 'ixta', 'oj yi'l Jehová eb' 'anma cajn 'a jun tzo'n̈ nacion̈ cha, ax xo 'oj e pechl eb' 'a sat lu'um, atn eb' caw jeln cob' cha, niwn pax sb'isl eb' 'a eyib'an̈.

Dt 2:31

Yuj cha, xyaln Jehová 'ayn 'ixtic: Wal 'a jun rato tic, tzwa'n win Sihón 'a yol e c'ab' yet' snacion̈. 'Ochn̈ec 'a yol slugar, tzlajw cha, tze cajn lu'um, xchi 'ayin.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

Dt 8:18

Yowlal tze na coti to a Jehová a tz'a'n eyip, tzya'n e nab'en yic tzex 'och ricoal. 'Ixta wal tzyutj ya'n 'el'choc strato sb'ojnac yet' eb' qui mam quichmec, 'icha wal tas wan yuj ticnec.

Nm 34:14

Yujto a nan̈l yoxl 'in̈tal eb', tox 'ix schaj eb' smacul, atn eb' yin̈tl Rubén, Gad yet' spacl eb' yic Manasés, atn lum xcan 'a sc'axpil 'e't sti a Jordán, 'a stojlal 'aj tzq'uel c'u, lum tzcan 'a yojltac Jericó, xchi Moisés.

2 Cr 20:7

Ach qui Diosal on̈, ach 'ix ej 'el eb' 'anma cajn 'a sat lum lum tic, atn 'aj 'ayn̈ 'ec' an̈ israel on̈ tic on̈. 'Ix ac' lum 'a smasnil tiempo 'ayn̈ an̈ yin̈tl on̈ Abraham tic on̈, atn jun a wach'c'ojol.

2 Cr 20:11

A ticnec, a tzyutj eb' spactzan 'ayn̈ on̈, yujto ma'ix quij 'ec' slum eb' chi 'on̈. Tznib'j eb' tzyac' owl quet' on̈ yic tzon̈ yi'n 'el eb' 'a lum a lum 'ix 'ac' qui macloc tic on̈.