Dt 4:37 - Chuj San Sebastian Bible

³⁷ A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

Chuj San Mateo Bible

³⁷ A val Jehová xajanannac eb' co mam quicham, yuj chi' on̈ sic'naccanel a on̈ yin̈til on̈ can eb'. Slajvi chi' on̈ yic'anelta d'a Egipto, ayn̈ej och qued'oc yed' val spoder.

Dt 4:37 Referans Kwoze

Dt 10:15

Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Ex 33:14

—An wal 'oj in 'at eyet'oc, ax e can 'a junc'ojlal 'a sat lum lum cha, xchi Dios 'a Moisés.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

Malaquías 1:2

A Jehová a tzaln 'ixtc 'a chon̈b' Israel: An tic, caw tzex in chamc'ojlej. Palta ax xo tic', 'in 'ixtc wal tzeyutj ta'wc e b'a 'ayin: ¿Tas wal tzcutj cojcan 'eli, toto tzon̈ a chamc'ojlej? xe chi. An Jehová in, an tzwal 'ixtc 'ayex: Wach'xam yu'tac sb'a Esaú yet' Jacob, palta an xin chamc'ojlej Jacob,

Jeremías 31:1

A Jehová, a tzaln 'ixtic: A wal 'a yic jun tiempoal 'oj jawc cha, an wal caw 'oj woch sDiosalc junjn macn̈ eb' yin̈tl Israel, a eb' 'oj 'ochcn in chon̈b'oc.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Salmos 32:8

Mamin Jehová, ach 'ix al 'ayn 'ixtic: Q'ueln in 'ochn̈ej 'ayach, 'oj ach in cuyu', 'oj wac' a nab'enoc, ax in ch'oxn jun b'e 'aj 'oj a b'eyi.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 23:5

Palta ax Jehová qui Diosalec, ma'ix schaj yab' tas 'ix yal Balaam. A scatb' cha, 'ix meltzj 'och qui wach'loquec yuj Jehová, yujto caw 'ay schamc'ojlal 'ayn̈ec.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Ex 12:41

A 'a jun c'u 'aj 'ix tz'acw 430 ab'il sc'och eb' 'a jun lugar cha, ata 'ix 'elt eb' schon̈b' Jehová 'a yol yic Egipto.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Nm 20:16

Yuj cha, 'ix qui c'an scolwal Jehová quet'oc, 'ix yab'n yel caw 'a 'a, xya'n cot jun yángel yic on̈ yi'n 'elt 'a Egipto. Ax ticnec, caj 'a yol smacb'en Cades 'a smon̈jonal lum e lu'um.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

Is 43:4

A eb' 'anma 'a jun tzo'n̈ xo nacion̈, a eb' xwa'ch e jeloc sec tzex colchji. Yujto caw nan ex n̈ej, caw niwn pax eyel'ch wu'uj, caw tzex in chamc'ojlej.