Dt 4:25 - Chuj San Sebastian Bible

²⁵ A yic 'ayx eyunnal, mto eyiechicn 'a sat lum lum 'aj 'oj e c'och cajn cha, 'ayt laj ex xeya'ch e b'a man̈ nab'enal, tze b'on junc yechl junc tas e diosaloc. Toto 'ixta tzeyutej, caw tz'och e mul 'a Jehová Dios, tzeyi'n cot yowl sc'ojl 'a eyib'an̈.

Chuj San Mateo Bible

²⁵ A ticnaic toxo ol ex c'och cajan d'a jun luum chi', palta ayic nivanxo tiempo ayex ec' ta', ayic ayxo eyuninal yed' eyi e chiquin, tzeyil val e b'a, xe yixtejtab'atlaj e b'a tze b'oanq'ue junoc yechel e diosaloc, tzeyac'anoch e mul d'a yichan̈ Jehová co Diosal. Tato icha chi', ol e tzuntzejcot yoval sc'ool co Diosal chi'.

Dt 4:25 Referans Kwoze

Dt 4:16

Tzeyil wal e b'a, man̈ eyixtc 'el e b'a yic tze b'on junc yechl e diosaloc. Man̈ e b'o yechl junc winac mto junc 'ix.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

A Ch'an̈ Schab'il Libro Yic Yab'ixal Eb' Rey 21:2

Palta caw maysch'olnil x'el sb'on 'a sat Jehová, yujto 'ix sb'eylb'ej smasnil stu b'eyb'alil jun tzo'n̈ nacion̈ yijnac 'el Jehová 'a yojltac eb' israel.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Ex 32:7

Yuj cha, 'ix yaln Jehová 'a Moisés 'ixtic: A ticnec paxn̈ 'ejm muc'uc, yujto a eb' chon̈b' ejnac 'elt 'a Egipto, caw wal 'ix juw 'el snab'en eb'.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Dt 28:45

Smasnil jun tzo'n̈ yailal tic, 'oj jawc eb' 'a eyib'an̈, 'oj 'ochn̈j eb' 'ayex, masnto 'oj e satl yu'uj, yujto matz eyiclj smasnil schecnb'il yet' sley Jehová qui Diosalec xyac' 'ayex.

Dt 28:61

An̈jtona', 'oj ya' cot pax jun tzo'n̈ xo yailal to man̈xtzac b'inax 'a yojl ch'an̈ un̈ yic cuynb'il tic, masnto 'oj e lajw 'el yu'uj.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

Josué 23:16

Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.

Josué 24:20

Toto tzeyactj can Jehová, tzeya'n servil jun tzo'n̈ comn dios, 'oj meltzjoc ya'n yowl sc'ojl 'ayex, ax e satx 'el yu'uj, wach'xam til wal tas wach' sb'o 'ayex, xchi 'a eb'.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Ex 20:4

Man̈ e b'o yechl junc tas e diosaloc: junc tas 'ay 'a satcha'an̈, junc tas 'ay 'a sat lum tic, mto junc tas 'ay 'a yojl eb' a mar.

Dt 16:22

Man̈ e b'o chan̈ q'uen q'uen 'aj tzyac' 'ejm sb'a eb' 'anma'. A jun tzo'n̈ cha, yajb'il 'el yuj Jehová Dios.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Dt 30:18

toto 'ixta', wal 'a jun c'u tic, tzwaln can 'ayex, chajtlto 'oj e chamn̈ej. Man̈ najtloc 'oj eyec' cajn 'a sat lum lum 'oj eyi'cn 'ec' 'a yic 'oj e c'axw 'ec' 'a yojl a Jordán.

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Ez 8:10

Ax in 'ochchi, 'ix wilni to a 'a yojl cha, ata tz'ib'b'il 'och yechl smasnil no noc' tzjuc sb'a, yet' no yajb'entac yilxi, yet' pax smasnil jun tzo'n̈ yechl 'aj tzyal sb'a eb' wit israelal cha.

Os 9:17

A jun chon̈b'al eb' 'anma tic, jun 'ejmn̈ej caw matz chaj xon eb' yab' tas tzyal in Diosal. Yuj cha, 'oj patquilx can 'el eb' yu'uj, toxn̈ej 'oj satc' eb' 'a scal jun tzo'n̈ xo nacion̈.