Dt 4:2 - Chuj San Sebastian Bible

² Man̈ eya'ch stz'acb' jun tzo'n̈ paxti tic, matz tac' pax eyi'n 'el jab'oc. Yowlal 'oj eyiclc jun tzo'n̈ schecnb'il Jehová qui Diosalec, 'icha wal tzwutj waln 'ayx tic.

Chuj San Mateo Bible

² Man̈ ol eyac'och stz'acub' juntzan̈ lolonel ol val tic d'ayex, ma ol eyiq'ueli, palta to ol e c'anab'ajej schecnab'il Jehová co Diosal icha val tz'aj valan tic d'ayex.

Dt 4:2 Referans Kwoze

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

Pr 30:6

Man̈ ca'c 'och stz'acb' tastc yaljnac cani, ax to laj x'aji, 'oj on̈ stumquec, ax on̈ ya'nec can 'och 'a'm 'esal.

Josué 1:7

A tas tzwal 'ayach, to tza te'wtzej a b'a, man̈ ach xiwoc, tza yiclni smasnil jun tzo'n̈ ley 'ix yalcn win in checb' Moisés 'ayach. Wach' tzotj a yiclni smasnil, sec wach'n̈j 'oj el'ch yet' tas 'oj a b'o'.

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Gl 3:15

Ex wu'tac, ex wanab', tzin nib'j tzwalb't 'ayx yuj jun qui b'eyb'al an̈ 'anman̈ tic. A yic tzqui b'on qui trato yet' junc 'anma', tz'ib'n cani, tzca'n can 'ejm qui c'ab'. Yuj cha, may junc mach tztac' sjuni, may pax mach tztac' ya'n 'och jac xo xicul.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Mt 5:43

'Ay 'aj xcab'c tas alb'il can pecti', 'a 'aj tzyal 'ixtic: Tze chamc'ojlej eb' wach' tzyutj sb'a 'ayex. Ax eb' 'ajc'ojl yajch 'ayex, tzex chichn 'och 'a eb', xchi.

Dt 1:3

A yic 'ayx 'och 'a schawinc ab'il yelt eb' israel 'a Egipto, 'a b'ab'l c'u yoch yuxlchil 'uj, ata syamch Moisés yaln 'a eb' chon̈ab' tas tzyutj Jehová yaln 'a yib'n̈ eb'.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Dt 4:14

'Ix yaln 'ayn ta', to tzex in cuy 'a sley yet' 'a schecnb'il, sec 'oj e b'eylb'oc 'a sat lum lum 'oj eyico'oc 'a sc'axpil 'ec' a Jordán cha.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Dt 33:4

A jun ley 'ix wa'cn tic, 'icha to smacl eb' yin̈tl Jacob yaji.

Salmos 78:7

sec a Dios 'oj ya'ch eb' yipc sc'ojol. Ma'oj sat sc'ojl eb' 'a tas b'ob'il yuj Dios, yiclum 'oj yutc sb'a eb' 'a schecnb'il.

Jeremías 26:2

'Ix yaln 'ixtic: Ata tzach 'aj lin̈n 'a yamq'uil watut, tzlajw cha, tzaln smasnil tas tzwac' al 'a smasnil eb' 'anma tzcot 'a Judá, yic tzwul ya'nc 'ejm sb'a eb' 'a watut an Jehová in. May junc paxti chi matz ala.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Dt 5:32

Yuj cha, yowlal tze b'eylb'ej smasnil schecnb'il Jehová qui Diosalec. Man̈ eyi'l e nab'en 'a 'a.

Dt 13:1

'Ix yaln pax Moisés 'ixtic: Tzeyil e b'a toq'ue 'ay junc mach tzq'ue wan 'a e cal, tzyalni to schecb' Dios, mto waychnum. Toto tzyala to 'ay junc senya mto milagro 'oj checljoc,

Josué 8:35

C'uxn 'ix yawtj Josué jun tzo'n̈ ley chi 'a scal eb' yit chon̈b' cha; x'awtx yab' eb' 'ix 'ix, eb' 'unin yet' pax eb' chuc schon̈b' cajn 'a scal eb' cha.