Dt 4:12 - Chuj San Sebastian Bible

¹² Axta 'ix paxtin 'elt Jehová 'ayn̈ec 'a scal jun c'ac' cha. 'Ix cab'c spaxtini, xcab'nec yol sjaj, palta ma'ix quilc xon jab'oc.

Chuj San Mateo Bible

¹² Lolonnac Jehová d'ayon̈ d'a cal c'ac' chi'. Cab'nac val yoch sjaj sloloni, palta maj quilochlaj jab'oc.

Dt 4:12 Referans Kwoze

Dt 5:22

'Ix yaln pax Moisés 'ixtic: Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin.

Dt 5:4

A Jehová 'ix paxtin 'elt 'a scal c'ac' 'a 'ayn̈ec 'a lum jolm witz cha, q'uelc'mb'a x'aj spaxtin quet'ec.

Dt 4:15

A yic xpaxtin 'elt Jehová 'a scal c'ac' 'a 'ayn̈ec 'a lum witz Sinaí, a 'a jun c'u cha, ma'ix eyila.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Dt 4:36

A 'a satcha'an̈, ata 'ix paxtin 'emta yic on̈ scuyni. Ax 'a sat lum tic, c'ac' 'ix sch'ox quila'. 'Ix cab' spaxtin 'elt 'a scal jun c'ac' cha.

Dt 4:33

¿'Ayx am wal junc chon̈b' tox xyab' spaxtin 'elt Dios 'a scal c'ac', 'icha wal xcab'c spaxtini, palta ma'on̈ chamec?

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

Mt 3:3

A jun schecb' Dios Isaías sb'i, 'aycto stz'ib'n can yab'xil Juan 'a Ch'an̈ Un̈ 'ixtic: 'Ay jun mach 'a cusltac lu'um, 'oj 'awjoc cha'an̈, ax yaln 'ixtic: B'oc junc sb'e Cajlil, caw tojl tzeyutj e b'on 'a 'a, 'oj schioc, xchi 'a Ch'an̈ Un̈ cha.

Is 40:18

¿Tom 'ay junc mach tztac' e lajb'tzan yet' Dios cha? ¿Tom 'ay junc yechl tztac' slajb'tzax yet'oc?

Is 40:6

'Ay jun 'aw 'ix aln 'ayn 'ixtic: 'Awjan̈, xchi. Xin c'anb'n 'a 'a, ¿tas 'oj wutc 'awjoc in b'a? xin chi. 'Ix yaln 'ayin: Al-li chajtlto a sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb' 'icha tz'aj slajw 'ejm swach'l yilx te nich te 'ay 'a lum 'a'lic.

Is 40:3

'Ay jun 'aw tz'ochi, tzyaln 'ixtic: B'oc junc sb'e Jehová 'a cusltac lu'um, caw tojl tzeyutj e b'on junc b'e 'a qui Diosal 'a lum lum to may tas 'ay 'a 'a.

Is 30:21

Toto 'oj eyel 'a e b'e, ax e 'atcn 'a stojlal e wach' c'ab' mto 'a e surito, 'oj eyab' yalx jun paxti 'a e patc 'ixtic; man̈ ex 'at ta', yaj b'e 'a tic, a 'a tic tzex 'ati, 'oj xchioc.

Ex 20:22

'Ix yaln Jehová 'a Moisés 'ixtic: Al smasnil jun tzo'n̈ paxti tic 'a eb' et israelal, to an Jehová in, an tzwal 'ixtic: 'Ix eyila tas xwutj paxtinc 'emt in b'a 'ayx 'a satcha'an̈.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

A Ch'an̈ Carta D'a Eb' Hebreo 12:19

Yab'jnac eb' yoc' jun trompeta. Yab'jnac pax eb' sjaj Dios, yic spaxtin 'a eb'. A eb' 'ab'jnac spaxtin cha, caw tewnac eb' 'a 'a, sec man̈xtzac paxtin 'a eb'.

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Dt 4:11

A yic 'ayn̈ec 'ec' 'a yich lum witz cha, quiljnaquec wal sq'ue n̈iln̈noc sc'a'l lu'um, 'ix q'uic'b' 'och stab'l lum 'a satcha'an̈.

Dt 4:13

Ata 'ix yac' Jehová cojcoc 'el strato, atn jun lajn̈e checnb'il. 'Ix stz'ib'j 'och 'a chapachn̈ q'uen q'ue'en. 'Ix yalni to yowlal tzqui b'eylb'ejec.

Dt 9:10

Ata 'ix yac' Jehová chapachn̈ q'uen q'uen chi 'ayin, caw a 'ix stz'ib'n eb' q'ue'en. A jun tzo'n̈ paxti 'aych 'a eb' q'ue'en, atn jun tzo'n̈ alb'il 'elt yuj 'ayn̈ec 'a scal te c'ac', yic yamnon̈c 'a yich lum witz cha.

Dt 10:4

'Ix stz'ib'n pax 'och Jehová jun tzo'n̈ lajn̈e checnb'il chi 'a eb' q'ue'en. 'Icha wal yutjnac stz'ib'n eb' q'uen b'ab'l cha, atn jun tzo'n̈ yaljnac pax 'ayn̈ec 'a scal te c'ac', yic yamnon̈c 'a yich lum witz cha. A 'a sjolm lum witz cha, ata 'ac'b'il eb' q'uen 'ayn yuj Jehová.