Dt 4:10 - Chuj San Sebastian Bible

¹⁰ Nac cot jun c'u yic 'ayn̈ec 'ec' 'a yojltac Jehová qui Diosalec 'a lum yich witz Sinaí. Ata 'ix yal Jehová 'ayn 'ixtic: Yamb'tzej eb' 'anma tic, yujto 'oj wac' yojcoc 'el eb' in paxti'. Ax scuyn sb'a eb' yoch 'emmquilal 'ayin, sec 'ay wel'ch 'a sat eb' yic pitzn eb' 'a sat lum lum 'oj wac' 'a cha, ax scuyn can eb' yunnal, xchi.

Chuj San Mateo Bible

¹⁰ Naeccot d'a yic jun c'u ayic ayon̈ec' d'a yichan̈ Jehová co Diosal d'a lum vitz Horeb, ayic yalannac d'ayin icha tic: Molb'ej eb' etchon̈ab' smasanil yic vach' ol vac' yojtaquejel in lolonel eb', ol sc'ayb'ancan eb', yic vach' ay velc'och d'a yol sat eb' yacb'an pitzan eb' d'a sat lum tic yed' sc'ayb'ancan yuninal eb', xchi Jehová chi' d'ayin.

Dt 4:10 Referans Kwoze

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Dt 17:19

Yowlal 'ay junc scopia win tzcan 'a 'a, yic wach' a chi tzcuyn̈j 'a junjn c'u, sec 'ay cab' yel'ch Jehová Dios 'a sat, 'ay pax yel'ch jun tzo'n̈ cuynb'il tic 'a 'a. Yowlal tzb'eylb'ej jun tzo'n̈ checnb'il tic,

Dt 5:2

A Jehová qui Diosalec, sb'o jun strato tic quet'ec 'a lum yich witz Sinaí.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

Ex 20:18

Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Apoc 19:5

Xlajw cha, xwab'n yoch jun paxti 'a 'aj 'ay sdespacho Dios. 'Ix yaln 'ixtic: ¡Calc wach' paxti 'a qui Diosalec! e masnil ex tzeyac' servil 'a 'a, yet' ex tzex xiw 'a 'a, ex may wal eyel'chi, yet' ex niwn eyel'chi, xchi.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

Lc 1:50

Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

Dt 14:23

A sdiesmoal e trigo, eyal uva, eyaceite yet' no sb'ab'l 'une e wacax, mto sb'ab'l 'une e calnelu mto chiwo. Ata tze c'ux jun tzo'n̈ chi 'a yojltac Jehová qui Diosalec, 'a jun lugar 'oj si'l yico'oc cha, sec 'ixta tzeyutj eyi'n 'ejm e b'a 'a Dios 'a smasnil tiempo.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Ex 19:1

A wal stz'acw 'oxe 'uj yelt eb' israel 'a Egipto, 'ix jaw eb' 'a lum cusltac lum yic Sinaí.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 11:19

'A'c scuy eb' eyunnal jun tzo'n̈ paxti tic 'a yol eyatut, yic tzex b'ey yet' eb', yic tzex waycn 'ejmi yet' 'a yic tzex q'uexwa'an.

Dt 12:1

'Ix yaln pax Moisés 'ixtic: Atn wal jun tzo'n̈ ley yet' cuynb'il tic, to yowlal 'oj e b'eylb'oc 'a smasnil tiempo, yic 'ayx xo 'ec' 'a sat lum lum 'oj yac' Jehová 'ayex, atn jun qui Diosalec yet' eb' qui mam quichmec cha.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Ex 19:11

Sb'o cab' sb'a eb', ax chab'ej tzin 'emli, 'oj in ch'ox in b'a 'a smasnil eb' chon̈b' 'a sjolm lum witz Sinaí tic.

Dt 6:2

Yic wach' 'oj e xiw 'a Jehová qui Diosalec, 'oj eyiclc smasnil schecnb'il, sley yet' smasnil scuynb'il yic 'ayx 'ec' 'a yolyib'n̈q'uinl tic yet' eyunnal, eyiechiquin, sec 'oj najtxb'oc e q'uinal.

Dt 6:7

'A junjn c'u, tze cuyn eb' eyunnal 'a jun tzo'n̈ paxti tic. Tzeyalb'tan̈j 'a yol eyatut, 'a yol b'e, 'a yic tzex waycn 'ejmi yet' pax 'a yic tzex q'uexwa'an.

Salmos 145:4

A eb' mamb'il, 'oj laj yalcn eb' 'a eb' yunnal b'aq'uin̈, chajtlto 'ay tas b'ob'il o'oj, ax laj yaln eb' yab'xil a b'ob'en cha.

Is 38:19

Cojn mach pitzan, atn eb' chi tztac' yaln swach' paxti 'ayach, 'icha tzwutj in b'a 'aych ticnec. Ax eb' mamb'il yet' nunb'il, a eb' tzaln yab' eb' yunnal, to tz'el'ch tas tzala.