Dt 34:4 - Chuj San Sebastian Bible

⁴ 'Ix yaln Jehová 'a Moisés 'ixtic: Atn jun lum tic wa'jnac in ti wa'n 'a Abraham, 'a Isaac yet' 'a Jacob. Waljnac 'a eb' chajtlto 'oj wac' lum 'a eb' yin̈tl eb'. Yuj cha, tzwac' elcn 'at lum yet' a sat, wach'xam man̈x 'oj a c'och 'a lu'um, xchi Dios 'a Moisés cha.

Chuj San Mateo Bible

⁴ Ix yalan Jehová chi' d'a vin̈ icha tic: Aton jun luum tic vac'nac in ti' vac'an d'a vin̈aj Abraham, d'a vin̈aj Isaac yed' d'a vin̈aj Jacob. Valannac d'a eb' vin̈ icha tic: A jun luum tic ol vac' d'a eb' eyin̈tilal, xin chi, yuj chi' tzin ch'oxcanb'at lum d'ayach, vach'chom man̈xo ol ach c'och d'a luum, xchi Jehová chi' d'a vin̈.

Dt 34:4 Referans Kwoze

Dt 32:52

Yuj cha, toxn̈ej 'oj a najt 'ilc can 'at lum lum 'aj 'ix wac' in ti wa'n 'a eb' et chon̈ab'; al wal a c'och 'a lu'um, man̈x 'oj a c'ochi, xchi Dios 'a Moisés.

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

Gn 13:15

A smasnil jun lum wan eln 'at tic, an tzwac' 'aych 'a jun 'ejmn̈ej, yic pax smasnil eb' en̈tl b'aq'uin̈.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Josué 21:43

'Ixtn tic wal xyutj Jehová ya'n can smasnil lum lum tic 'a eb' israel, atn lum 'aj ya'jnac can sti ya'n 'a eb' smam yichm eb'. 'Ix sb'on 'och sb'a eb' 'a sat lu'um, xlajw cha, xcan cajn eb' 'a 'a.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 1:37

Eyuj wal ax tic, 'ix cot yowl Jehová 'ix yaln 'ixtc 'ayin: An̈jtona pax ach tic, ma'oj a c'och 'a sat lum lum cha.

Jueces 1:16

A eb' yin̈tl Hobab win quenita, sn̈i Moisés, 'ix 'el eb' 'a jun schon̈b' 'aj til wal te palma, atn Jericó. 'Ix q'ue'ch eb' yet' eb' yin̈tl Judá, 'ix c'och cajn eb' 'a scal eb' 'anma cajn 'ec' 'a lum cusltac lum 'ay 'a yol yic Judá, atn lum 'ay 'a Neguev 'a stz'ey Arad.