Dt 32:4 - Chuj San Sebastian Bible

⁴ 'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Chuj San Mateo Bible

⁴ A Jehová b'aj sco col co b'a lajan icha junoc q'uen nivan tenam. Te vach'n̈ej tas sb'o'o, te tojoln̈ej sb'eyb'al. Tz'eln̈ejc'och tas syala'.

Dt 32:4 Referans Kwoze

Salmos 92:15

'Ixta tzyutj eb' sch'oxn 'eli to tzach ya'ch eb' yipc sc'ojol. Caw tojln̈ej a nab'en, may tu nab'enal 'ayach.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Salmos 100:5

Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Mt 5:48

Yowlal tz'acn ex 'a smasnil tas wach', 'icha qui Mam 'ayc' 'a satcha'an̈, tz'acn 'a smasnil tas wach'.

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Jeremías 9:24

An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Ro 2:2

Palta cojquec, tzann̈j mach 'ixta tzyutj sb'a, a Dios 'oj b'eyc'ojlanc 'a yel, ax ya'n 'och 'a yib'an̈.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

A Sb'ab'el Carta San Pedro 2:6

Yuj cha, 'ixtc yaj yaln can Dios 'a Ch'an̈ U'un̈: An 'oj wa'cn 'och jun q'uen q'uen yipnub'alc yich n̈a 'a Sión. A jun cha, sic'b'il 'el wu'uj, caw niwn yel'chi. A mach 'oj ya'ch jun chi yipc sc'ojol, ma'oj somchjc 'el yu'uj, xchi 'a Ch'an̈.

Jn 5:22

A 'in Mam, matz b'eyc'ojlej junc 'anma'. Palta an Yunnaln tic, an ya'jnac wopiso in b'eyc'ojlan eb' smasnil.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Salmos 97:2

A q'uic' 'asun, a oyn 'och 'a 'a. A yopiso caw te'n yaj yuj tojlal yet' yuj wach'il.

Job 34:10

Palta ax 'ay e nab'en tic, chajec eyab' tas 'oj wala'. A Dios tztac' yuj smasnil, tecn may 'aj tzb'o tas man̈ tojloc.

Dt 32:18

Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Santiago 4:12

Palta cojxn jun mach b'ojnac jun ley, junn̈j juez, atn jun tztac' on̈ scolnec, tztac' pax satn 'el eb' 'anma smasnil. Yuj cha, an̈ec xo, ¿tom 'ay calnec quic qui b'eyc'ojlan eb' quit 'anma'il?

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Ec 3:14

'Ix wojcan 'eli, to a smasnil tas b'ob'il yuj Dios, 'ayc'n̈ej 'a smasnil tiempo. May tas tztac' ca'nec 'och stz'acub', matz tac' pax qui'nec 'el jab'oc. A Dios 'ixta x'utni, sec wach' tzon̈ 'ochc 'emmquilal 'a 'a.

Salmos 146:6

A b'ojnac satcha'an̈, lum lu'um, a mar yet' smasnil tas 'ay 'a junjn c'aj. Caw wal tzyac' 'el'choc tas tzyala.

Salmos 138:8

B'o 'icha tas tza nib'j 'ayin, a wal a chamc'ojlal 'ayc' cab' wet' 'a smasnil tiempo. A tas xa yamch a b'on 'ayin, man̈ c'axpoc cab' tzotj cani.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Salmos 98:3

Caw wal 'ayn̈j 'ec' schamc'ojlal yet' stojlal 'a qui calc an̈ israel on̈c tic. Smasnil 'anma 'a yolyib'n̈q'uinal tic 'ix yil eb' scolwj qui Diosalec quet'oc.

Salmos 31:5

Mamin Jehová in Diosal ach, tzwa'cn 'ab'enal in pixn 'a yol a c'ab', yujto caw yeln̈j tas tzala.

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Salmos 18:46

Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Job 35:14

¿Tas wal 'oj 'aj sta'w 'ayach yic tzalni to matz el Dios? A paxti tzalx 'a spatic 'ayx ec' 'a yojltac, yuj cha, to tza tan̈wej tas 'oj yutc sb'onyaji.

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

A Ch'an̈ Schab'l Libro Samuel 22:47

Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.

A Ch'an̈ B'ab'el Libro Samuel 2:2

Mamin Jehová, may junc xo mach wach'. May junc xo mach wach' scolwj 'icha ach tic. Ach qui Diosal on̈, cojn ach colwjum ach.

Dt 10:18

Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

Ex 34:6

'Ix 'ec' Jehová 'a yojltac Moisés, caw 'ip 'ix yutj yalni: —An ton Jehová in, Jehová in b'i. Caw wach' in nab'en, tz'o'ch in c'ojl 'a eb' 'anma', caw 'ay in niwnc'ojlal 'a yib'n̈ eb', yujto caw yel 'ay in chamc'ojlal. Tzwac' 'el'choc tas tzwala.

Gn 1:31

Xyiln 'och Dios smasnil tas 'ix b'o'i, to caw wach' smasnil. 'Ix 'ec' junx 'ac'wal yet' junx c'u, 'ixta x'aj yec' swacl c'ual.

2 Cr 19:7

Yuj cha, caw niwn cab' yel'ch Jehová 'a e sat, tzcham eyiln tas 'oj e b'o', yujto a Jehová qui Diosalec, ma'oj techjc yu'uj, yic 'oj yilnc 'och tas man̈ stojlalc 'oj e b'o', yet' pax yic to 'ay sjelpal 'anma 'a e sat, yic tze chan tumn 'a c'ultaquil, xchi 'a eb'.

Job 8:3

A Dios tztac' yuj smasnil, may 'aj tzjelmtej tas tojol, may 'aj tzyij 'ec' smacl junc mach.

Job 36:23

May junc mach tztac' yaln 'a 'a tas yowlal 'oj sb'o', matz tac' yaln pax 'a 'ixtic, maysch'olnil tzotej, man̈ xchic 'a 'a.

Salmos 78:35

'Ixta to b'i'an, snan cot eb' Dios caw niwn yel'chi, atn Dios 'aj wach' scoln sb'a eb', a tztan̈wni pax eb'.

Salmos 90:16

An̈ a checb' on̈ tic yet' eb' quin̈tl on̈, 'ac' cojcoc 'el a b'ob'en to satjub'tac yilxi.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Habacuc 1:12

Mamin Jehová, ¿tom man̈ toc 'aych 'ec' 'a jun 'ejmn̈ej jun? Ach in Diosal, cojxn̈ej ach ton Dios ach. Ma'oj on̈ a cha satl 'a jun 'ejmn̈ej on̈, qui Colmal aji. Ach 'ix ac' yip eb' caldeo yuj a'n 'och yailal 'a quib'n̈ yuj qui mul on̈.

Sofonías 3:5

Palta a Jehová, 'ayc'n̈ej 'a jun chon̈b' cha. Tojln̈ej tas tzb'o'o. May tas tu tzb'o'o. 'A junjn sq'uin̈b'ial tzch'oxn 'el stojlal, ax pax eb' maysch'olnil sb'eyb'al, caw matz q'uixw eb' jab'oc.

Nehemías 9:8

'Ix ela to ach ya'ch wal yipc sc'ojol, yuj cha, xa b'on a trato yet'oc, yic tza'n slum eb' yin̈til, atn lum yic eb' cananeo, eb' hitita, eb' amorreo, eb' ferezeo, eb' jebuseo yet' eb' gergeseo; tox 'ix ac' 'el'choc a paxti', yujto tz'el'chn̈ej tas tzala.

Salmos 33:4

yujto a spaxti Jehová caw yel. A smasnil tas tzb'o'o, a tzch'oxn 'el swach'il.

Salmos 145:17

Mamin Jehová, caw wal tojl a b'eyb'al, 'ay a chamc'ojlal 'a smasnil tas b'ob'il o'oj.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.