Biblia Todo Logo
Bib sou entènèt

- Piblisite -




Dt 32:24 - Chuj San Sebastian Bible

24 'Oj cham eb' yuj wejel, ax sjaw c'a'l yab'il 'a yib'n̈ eb'. A junc yab'il caw ow 'oj satnc 'el eb'. Ax wa'n cot nan̈loc no chiwjum noc' 'a scal eb', atn no calte'al noc', yet' no chan caw 'ay svenenoal sti'.

Gade chapit la Kopi

Chuj San Mateo Bible

24 Vejel, c'ac'al ilya te ov, jun yaelal te ov satanel anima. Ol vac'anb'at noc' chium noc' d'a scal eb' yed' noc' chan te ov svenenoal.

Gade chapit la Kopi




Dt 32:24
24 Referans Kwoze  

'Oj wa' cot no chiwjum noc' 'a e cal, ax schin 'ejm no eyunnal, ax ya'n lajwc no e cajb'en noc', ax yemt e b'isl yuj no'. Man̈x 'a mach 'oj b'ey 'a b'e.


'Oj wa' cot wejl 'a e cal, yab'il tzcham 'anma yu'uj, no chiwjum noc' 'oj satnc 'el eyunnal, ax wa'n cot niwc owl 'a e cal, til wal mach 'oj cham yuj owl cha. An Jehová in, an tzwal jun tzo'n̈ tic, xchi Dios.


A yab'il 'ay smay, a b'ab'l s'at o'oj, ax 'aj tox ach 'e'cni, chaml tzujcani.


Toto 'oj cob' 'at sc'ub'c 'el sb'a eb' 'a sjolm lum witz Carmelo, palta 'oj 'at in yam cot eb' ta'. Toto 'oj cob' 'at sc'ub'c 'el sb'a eb' 'a yich a mar, 'oj in checb't junc no niwc noc' 'ay 'a yojl a mar cha, ax no 'oj 'at chinc eb' ta'.


Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.


Q'uinloc tzwa' cot no chiwjum noc' 'a sat lum lum tic, ax tz'aji, tzsatn 'el no eb' 'anma 'a jun chon̈b' cha, cusltac tz'ajcni, man̈x 'a junc 'anma tztac' yec' yuj no'.


Caw wal tz'a qui tz'umal yuj c'ac' tzpitzw chan̈ 'ayn̈ yuj wejl on̈.


'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.


An Jehová in, an tzwala: 'Oj wa' cot chan̈ macn̈ yailal 'a yib'n̈ eb' 'anma tic: 'Oj milxoc cham eb' 'a scal owal, 'oj jucxoc b'eyc'oc sniwnal eb' yuj no tz'i', 'oj chixoc eb' yuj no 'usej, ax e no calte'al noc' 'oj wach' satnc 'el eb'.


A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.


An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.


A tas 'oj jawc 'a eyib'an̈, atn yailal 'icha junc jul-lab' tzc'anx 'a owal, caw jay, tzn̈ilchj sc'a'l 'a ye cha.


Matz on̈ xiwc yuj jun tzo'n̈ yab'il tzjaw 'a scal q'uic'q'uinal, matz on̈ xiwc pax yuj jun tzo'n̈ tas to tzcham 'anma yuj 'a c'ual.


A yic oyn 'och eb' 'ajc'ojl yac' owl eyet' 'a e chon̈b' cha, ax xo, caw 'ay e wejel. Yuj wejl cha, ax e chin 'ejm eyunnal yet' eyisil, eb' xyac' Jehová qui Diosalec 'ayex.


An̈jtona', 'oj ya' cot jun tzo'n̈ yab'il 'a e cal. 'Ay yab'il to tzex b'ac'b'chan̈ yu'uj, 'ay c'a'l yab'il, 'ay pax yab'il tzmalchan̈ e niwnal yu'uj. A tas 'oj eyawoc, 'oj tacjoc yuj c'ac', man̈x 'oj yac' n̈ab'. 'Oj jawc syab'il e trigo masnto 'oj e lajw 'eli.


A yic tzyiln 'ochi, to caw wal wach' jun lugar 'aj caw wach' yilj cha, yuj cha, tzya'n 'och yich spatquil 'a yaln̈ 'icatz, man̈x 'a tas tzyala yic tz'och 'a yaln̈ 'ictz caw 'al.


Xyaln Jehová Dios 'a no chan 'ixtic: —Yujto 'ix a b'o jun tic, yuj cha, 'oj a chacx can 'el 'a scal smasnil no noc' 'a smasnil tiempo. A sn̈i a c'ojol, a 'oj a b'eylab'oc ax eq'ui. Ax lum pocc 'oj a lo'.


Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.


'Icha to tz'ub'b'il 'ejm svenenoal no chan chi yuj eb', a jun veneno chi 'oj milnc eb'.


Tzyaln pax Jehová 'ixtic: 'Oj wa't yailal 'a e cal, 'icha tzex 'aj e chix yuj junc no chan caw ow svenenoal. A no man̈x 'a yel'ch eb' tztac' smontn no', xchi.


Caw wal 'oj xiw eb', ax yi'n 'ejm sb'a eb', 'oj can teln eb' 'a scal pococ 'icha no chan. 'Oj laj 'ib'xoc eb' yuj xiwlal, ax yelt eb' 'a scuartel. Caw tzxiw eb', ax sjaw eb' 'a 'ayn an Jehová e Diosal in tic, xchi Dios.


Swiv nou:

Piblisite


Piblisite