Dt 32:18 - Chuj San Sebastian Bible

¹⁸ Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

Chuj San Mateo Bible

¹⁸ A ex vetisraelal ex tic, ix b'at satc'olal eyuuj mach ix on̈ b'oani yed' co Columal. Majxo e nacot co Diosal ix on̈ ac'an pitzvoc.

Dt 32:18 Referans Kwoze

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Salmos 106:21

'Ix ya'n sat eb' sc'ojl 'aych Mamin, palta to colwjum aj 'a eb', til wal tas satjub'tac xa b'o 'a Egipto yuj eb'.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Salmos 9:17

A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

Dt 8:11

Caw wal tzeyil e b'a, man̈ eyac' sat e c'ojl 'a Jehová qui Diosalec. Yowlal tzeyiclj schecnb'il, sley yet' jun tzo'n̈ cuynb'il tzwalcn 'ayx tic.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Jeremías 3:21

Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

A Ch'an̈ B'ab'el Libro Samuel 12:9

Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.