Dt 32:14 - Chuj San Sebastian Bible

¹⁴ Til wal lech yet' queso 'oj yac' e wacax. 'Oj e chi no quelm calnelu, no mam calnelu, yet' no chiwo 'ay 'a Basán. 'Oj e wa 'ixm trigo caw wach', ax eyu'n yal uva.

Chuj San Mateo Bible

¹⁴ Te nivan yal yim noc' co vacax yed' noc' chiva ix elta, ix co b'oan queso d'ay. Ay noc' quelemtac calnel ix co chi'a. Ix co chipax noc' ch'ac calnel yed' noc' chiva te b'aq'uech stan̈vaj d'a Basán. A val ixim trigo te vach' ix co va'a, ix cuc'an vino, aton yal sat te' uva.

Dt 32:14 Referans Kwoze

Gn 49:11

A mach tzpixn 'och sb'uru 'a jun 'ib'c te uva, yet' mach tzju'n 'el spichl yet' yalil te uva cha,

Salmos 147:14

A tz'a'n junc'ojlal a qui lugar 'aj 'ayn̈ec, tzya'n qui wa 'ixm trigo caw wach'.

Salmos 81:16

Q'uinloc syiclj eb' israel tas xwal cha, to 'ixta', ax 'ixm trigo caw wach' a xwac' swa eb', xwa'n am yuc' eb' no calte'al yal chab', xchi Dios.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Ez 39:18

'Oj schi e no schib'jal eb' soldado, ax yu'n e no schic'l eb' syajlil jun tzo'n̈ chuc chon̈b'al cha, 'icha tzyutj eb' 'anma schin no xajmb'al caw b'aq'uech, no mam calnelu, no quelm calnelu, no chiwo yet' e no quelm wacx yic Basán.

Is 7:22

caw wal 'oj yac' sobra slech no', ax laj sb'on sc'ux queso. A smasnil eb' 'oj colchjoc 'a scal owal, 'oj wa eb' yet' queso cha, ax yu'n eb' yal chab'.

Is 7:15

A yic 'ayx snab'en jun 'unn cha, 'oj wa yet' queso, ax yu'n yal chab' yet' eb' yit chon̈b' cha, yujto 'ayc' eb' 'a yol sc'ab' meb'a'il.

Salmos 22:12

Tox 'ix 'och oynjoc eb' 'ajc'ojl 'ayin, 'icha wal no wacx caw ow 'a yol yic lum Basán, 'ixta 'eb'.

Job 20:17

Man̈x 'oj yac' eb' tzaljoc sc'ojl sc'uxn smasnil tas 'ay 'a 'a, atn lech yet' no yal chab' to man̈x yalnb'iloc.

A Ch'an̈ Schab'l Libro Samuel 17:29

No yal chab', no queso yic wacax, no mantca' yet' pax no calnelu, atn jun tzo'n̈ tic xyij 'at eb' sc'ux David yet' eb' 'anma ajun yet' cha, yujto sna eb', to caw 'ay swejl eb' 'anma cha, tztacj sti eb', xc'unb' pax eb' sb'ey 'a lum cusltac lum cha.

Jueces 5:25

A yic sc'ann win yuc' a 'a 'ix, ax lech xyac' 'ix yuc' winac. Xya'n 'ix sc'ux win crema 'a yol jun 'uc'b' caw wach' yilxi.

Gn 18:8

'Ix yi'n cot pax win mantequilla, lech yet' pax no schib'jal wacx 'ix sb'o cha. 'Ix ya'n wa win eb' winc chi 'a yich te te cha, 'ayc'n̈ej Abraham chi yet' ewinac, yic xwa eb' cha.

Apoc 14:20

A jun te'lab' 'el yal uva cha, a 'a sti 'el chon̈b' 'ay. 'Icha tzte'x te uva si'mb'il, 'ixta wal x'aj eb' 'anma cha. Ax schic'l eb' x'eli, caw pim x'aji. 'Icha schan̈il 'aj 'aych sfreno e no chej 'a sti', 'ixta xq'ue'ch spimal. Ax 'aj xlajw c'och suyn schic'l eb' cha, 'aym 'oxe'oc ciente kilómetro x'aj't snajtil, 'icha wal junc niwquil pama'.

Nm 18:12

An̈jtona', an Jehová in, an tzwac' pax sb'ab'l sat 'awb'en 'ayach, atn jun tzo'n̈ tzyac' eb' israel 'ayn 'a junjn ab'il: Atn aceite caw wach', yal uva caw wach' yet' 'ixm trigo.

Job 29:6

Caw wal tzyac' sobra slech no 'in wacax, ax eb' te wawb'en olivo 'a cal q'ue'en, caw tzyac' sobra yaceiteal te'.

Dt 28:47

Yujto ma'ix eyac' servil Jehová qui Diosalec 'a tzaljc'ojlal, yet' 'a smasnil e c'ojol yic til wal tas wach' xyac' 'ayex.

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Os 11:4

Xin quetz cot eb' 'ayn 'a chamc'ojlal, 'icha squetzx junc no quelm wacax. Lajn in 'icha junc mach tz'i'n 'el te yugo 'a sjolm junc no wacax, wach' tzyutj ya'n tas tzc'ux no', 'ixta 'ix wutj in b'a 'a eb'.