Dt 31:3 - Chuj San Sebastian Bible

³ Palta a Jehová qui Diosalec, a 'oj b'ab'ljoc eyu'uj, ax satn 'el smasnil jun tzo'n̈ nacion̈ 'ayc' 'a yol e b'e, yet' eb' 'ayc' 'a sat lum lum 'aj 'oj e c'och cha. Ax xo 'oj e caj slum eb' cha. A Josué tic 'oj 'ochx can ex sjucb'tzoc 'icha xyutj Jehová yalni.

Chuj San Mateo Bible

³ Palta a Jehová ol b'ab'lajn̈ej d'a eyichan̈, ol satanel masanil juntzan̈ chon̈ab' ayec' b'aj ol ex c'och chi'. A exxo ol ex cajnajcan d'a slum eb'. Axo vin̈aj Josué ol ex cuchb'anoc, icha ix aj yalan Jehová d'ayex.

Dt 31:3 Referans Kwoze

Dt 9:3

Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Josué 4:14

A 'a yic jun c'u cha, 'ix yac' Jehová 'ijxoc chan̈ sjelnal Josué yuj eb' yit chon̈ab', to niwn yel'ch 'a sat eb', 'icha ya'jnac eb' yet' Moisés yic pitznto yet' eb'.

Josué 1:2

Chamnc xo win in checb' Moisés, ax ticnec b'i'an, achxo 'oj a jucb'tzoc eb' 'anma tic, yic tzach 'ec' yet' eb' 'a yojl a Jordán, ax a c'och yet' eb' 'a sat lum lum tzwac' eyico'oc.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Dt 3:28

A ticnec, 'a'cn snab'enoc Josué, tza cuyn cani, sec a 'oj jucb'tzanc eb' in chon̈b' tic, ax spojn 'ec' jun lum chi 'a eb', atn lum 'oj elcn 'at cha, xchi 'ayin.

A Ch'an̈ Carta D'a Eb' Hebreo 4:8

Q'uinloc x'och eb' quit israelal 'iljoc yuj Josué, to 'ixta', man̈x 'ic yal Dios yuj junx tiempoal tic.

A Tas Sc'ulejnac Eb' Schecab' Jesús Hechos 7:45

A jun mantiado cha, c'ojnc'ojnil xcan 'a yol sc'ab' jun tzo'n̈ xo eb' qui mam quichmec. Ax Josué, 'ix 'i'n 'at jun chi yet' eb', yic 'ix yica'an eb' lum slum eb' chuc chon̈b'al. A Dios, 'ix pechn 'el jun tzo'n̈ chuc chon̈b'al chi 'a sat slu'um. Ax eb' qui mam quichmec chi 'ix 'ica'an can jun slum eb' cha. A jun mantiado cha, yet'n̈j eb', masnto x'och David sreyloc eb'.

Josué 3:7

Xlajw cha, xyaln Jehová 'ixtc 'a Josué: A ticnec, tz'el yich ach wi'n chan̈ yet' opiso 'a sat eb' et israelal tic, sec 'oj yil eb' to 'ayn 'och et'oc, 'icha 'ix wac' yet' Moisés.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

Dt 31:14

Xlajw cha, 'ix yaln Jehová 'a Moisés 'ixtic: 'Ilto, wan sc'och stiempoal a chami; yuj cha, 'awtj cot Josué tzex 'at e chawn̈il 'a jun Mantiado 'aj tzin chaj in b'a eyet'oc, sec ata 'oj wa'cn 'och yopiso, xchi. Yuj cha, 'ix 'at Moisés yet' Josué 'a jun Mantiado cha.

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Dt 31:4

A Jehová 'oj satnc 'el jun tzo'n̈ chon̈b' cha, 'icha 'ix yutj satn 'el eb' sreyl eb' amorreo, atn win Sehón yet' win Og, c'uxn satl eb' yet' schon̈ab'.

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Josué 11:15

'Icha wal yaj yaln can Jehová 'a Moisés, win schecab', 'ixta wal xyutj yaln can pax Moisés 'a Josué, ax Josué c'uxn syiclj smasnil, may wal junc tas to ma'ix sb'o 'a tas alb'il cani.