Dt 31:29 - Chuj San Sebastian Bible

²⁹ Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Chuj San Mateo Bible

²⁹ Vojtacxo to ayic ol in chamoc ol eyixtancanb'at e b'a, ol eyactancan jun b'e b'aj tzex vac'canoch tic. An̈ejtona' vojtacxopaxi to a d'a b'aq'uin̈, ol javoc yaelal d'a eyib'an̈, yujto ol e tzuntzejcot yoval sc'ol Jehová yuj chucal ol e c'ulej d'a yichan̈, xchi vin̈aj Moisés chi'.

Dt 31:29 Referans Kwoze

Jueces 2:19

Palta ax yic tzcham jun tzcolwj cha, tzmeltzj can pax eb' 'anma 'a spatic. Tzyamn 'och eb' sb'on maysch'olnil to caw 'ec'b'alxo 'a yib'n̈ tas sb'ojnac smam yichm eb'. Tzya'n 'ejm sb'a eb' 'a jun tzo'n̈ comn dios yic tzya'n servil eb'. Tz'em n̈ojn eb' 'a yojltac eb', matz yactj eb' sb'eylb'an stu b'eyb'al cha, caw pit eb'.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Gn 49:1

'Ix yawtn cot Jacob smasnil eb' yunnal, xyaln 'a eb' 'ixtic: Nitzc cot e b'a 'a in tz'ey ex wunnal, 'oj wala', tas 'oj 'ec' 'a eyib'n̈ b'aq'uin̈:

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

A Ch'an̈ Carta D'a Eb' Hebreo 1:2

Ax 'a jun slajb' tiempoal tic, atn wal Yunnal sc'anlb'ej yic yaln 'ayn̈ec. A yet' Yunnal tic sb'ojnac yolyib'n̈q'uinal, yet' smasnil tas 'ay 'a 'a. Ax 'a Yunnal tic, ata ya'jnac smasnil tas yico'oc.

1 Ti 4:1

A Yespíritu Dios tojln̈ej yalni, chajtlto a yic wan xo sjaw jun slajb' tiempoal, 'ay eb' creyente 'oj meltzjoc pax 'a spatic. Ax wal 'a jun tzo'n̈ cuynb'il caw 'es 'aj 'oj ya'ch eb' snab'en. A jun tzo'n̈ cuynb'il cha, a 'a ewin demonio tzcoti.

A Tas Sc'ulejnac Eb' Schecab' Jesús Hechos 20:30

An̈jtona 'a e cal ax tic, 'ay pax jun tzo'n̈ xo eb' 'oj pitzwc cha'an̈. Ax ya'n eb' jun tzo'n̈ 'es, yic tzya'n eb' sc'ojloc eb' creyente, sec tz'och eb' yet' eb'.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Job 19:25

Wojtac to a jun mach tzin colni, pitzan, ax 'a slajb' c'ual, 'oj jawc in wul yi' chan̈ 'a sat lum tic.

2 Cr 34:24

'Oj wa' cot yailal 'oj satnc 'el jun lugar tic, yet' 'a yib'n̈ eb' 'anma cajn 'a 'a, smasnil catb' tz'ib'b'il can 'a ch'an̈ libro 'ix 'awtx 'a yojltac win sreyl Judá.

Dt 4:30

A yic tox 'ix 'ec' jun tzo'n̈ cusc'ojlal chi 'a eyib'an̈, ax 'a slajub, 'oj e meltzj pax 'a Jehová qui Diosalec, 'oj eyoch yiclumal 'a 'a.

Gn 6:11

A 'a sat Dios, man̈x yalnb'ilc maysch'olnilal tzb'o eb' 'anma 'a yolyib'n̈q'uinl tic, comn xoj tzlaj meltzj 'och eb' 'a yit 'anma'il.

Dt 4:16

Tzeyil wal e b'a, man̈ eyixtc 'el e b'a yic tze b'on junc yechl e diosaloc. Man̈ e b'o yechl junc winac mto junc 'ix.

Dt 31:30

Xlajw cha, syamn 'och Moisés yaln spaxti'al jun b'it tic, tz'el yich masnto 'a slajub', 'ix yal yab' smasnil eb' yit israelal yamn cha:

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Dn 10:14

Yuj cha, ticnec in jaw 'ayach yic tzwul walnoc ab'i', tas 'oj 'ec' 'a yib'n̈ a chon̈b' chi 'a yic slajb' c'ual. Yujto a tas xel 'a jun a waych cha, atn tas 'oj ujc yic b'aq'uin̈, a chi xch'oxx ela', xchi 'ayin.

Ex 32:7

Yuj cha, 'ix yaln Jehová 'a Moisés 'ixtic: A ticnec paxn̈ 'ejm muc'uc, yujto a eb' chon̈b' ejnac 'elt 'a Egipto, caw wal 'ix juw 'el snab'en eb'.