Dt 31:28 - Chuj San Sebastian Bible

²⁸ 'Awtjec cot smasnil eb' yichmtac wincal chon̈ab', yet' eb' yajl yajch 'a junjn 'in̈tal 'a e cal, to tzwalcn yab' eb' jun tzo'n̈ tic, tzwa'cn 'och satcha'an̈ yet' lum lum tic testigoal 'ayex.

Chuj San Mateo Bible

²⁸ Avtejec eb' yichamtac vinaquil junjun eyin̈tilal yed' eb' yajalil chon̈ab', yic svalancanel jun b'it tic d'a eb'. Svac'anoch satchaan̈ yed' sat luum tic testigoal.

Dt 31:28 Referans Kwoze

Dt 32:1

Yab' cab' satcha'an̈, yet' lum lu'um, tas 'oj wala'.

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Lc 19:40

Yuj cha, xyaln Jesús 'ixtic: —Tzwal 'ayex, toto sictac tz'aj eb', toto man̈x 'a mach tz'awji, ax jun tzo'n̈ q'uen q'uen tic 'oj 'awjc cha'an̈, xchi 'a ewinac.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Dt 31:12

Yowlal tzyam sb'a smasnil eb' chon̈b' tic, eb' winac, eb' 'ix 'ix, eb' 'unin, yet' eb' chuc chon̈b'al 'ayc' 'a yol e chon̈ab', sec tzyab' eb' yawtx jun ley tic. Tzcuyn eb', sec tzxiw eb' 'a Jehová Dios, tzb'eylb'an pax eb' smasnil tas tzyala.

Dt 29:10

A ticnec yamn cajc qui masnil 'a yojltac Jehová qui Diosalec: Ex yajl eyaj 'a junjn 'in̈tal, ex 'ichmtac winac, ex 'ay eyopiso, smasnil ex winac,

Ex 18:25

Yuj cha, si'n 'elt Moisés ewin caw 'ay snab'en, ewin jeln 'a scal eb' yit israelal. 'Ix ya'n 'och yopiso ewin yil junjn mil 'anma', 'ay eb' 'a jun ciente, 'ay eb' 'a cincuenta, 'ay pax eb' 'a lajn̈wa'an̈.

Job 20:27

A Dios 'oj checltanc 'el smul eb', a eb' 'anma 'a sat lum tic, a eb' 'oj alnoc to 'ay smul eb'.

Salmos 50:4

A 'a cha'an̈, ata tzyawtj Dios eb' 'aj satcha'an̈ yet' eb' 'aj sat lu'um, sec tzyil eb' sb'eyc'ojlax schon̈b' Dios.

A Ch'an̈ Schab'il Libro Yic Yab'ixal Eb' Rey 23:1

Xlajw cha, 'ix ya'n win rey 'awtxoc cot smasnil eb' yichm wincal chon̈b' Judá yet' eb' 'aj Jerusalén, sec tzyam sb'a eb' yet'oc.