Dt 31:21 - Chuj San Sebastian Bible

²¹ Palta a wal yic 'oj jawc jun tzo'n̈ yailal yet' somc'ojlal 'a yib'n̈ eb', a jun b'it tic, a 'oj yac' testigoal sb'a 'a eb'. Ax yin̈tl eb', 'oj sna cot eb' jun b'it tic, ax sb'itnan eb'; yujto a yic mantzac xon c'och eb' 'a sat lum lum 'aj 'ix wac' in ti wa'n 'a eb', wojc xo si'mb'il, tas 'ayc' 'a snab'en eb', xchi Dios 'a Moisés cha.

Chuj San Mateo Bible

²¹ Ayic ol javoc jantac yaelal yed' ilc'olal d'a yib'an̈ eb', a jun b'it tic ol ac'an testigoal d'a yib'an̈ eb'. Axo eb' yin̈tilal eb' ol naancot jun b'it tic, ol sb'itan eb'. Yujto ayic manto ochlaj eb' d'a lum luum vac'nac in ti' vac'an d'a eb', vojtacxo tas ayec' d'a spensar eb', xchi Jehová chi'.

Dt 31:21 Referans Kwoze

Os 5:3

Wojc tas eyaj ex israel 'a yol yic Efraín, ¿tom tze na'a to man̈ wojcoc tas eyaji? 'Ix eya'ch e b'a 'ajmulal, 'ix eyixtj 'el e b'a yuj e maysch'olnilal.

A Tas Sc'ulejnac Eb' Schecab' Jesús Hechos 4:28

C'uxn 'ix sb'o eb' jantcn̈ej tas alb'il can oj pecti'. Yujto 'elnc xon 'a a c'ojol, to 'ixta tzb'o eb'.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Salmos 139:2

Ojc wali tas tz'el in b'oni, ojc paxi tas wanto in nani.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Dt 4:30

A yic tox 'ix 'ec' jun tzo'n̈ cusc'ojlal chi 'a eyib'an̈, ax 'a slajub, 'oj e meltzj pax 'a Jehová qui Diosalec, 'oj eyoch yiclumal 'a 'a.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Dt 30:18

toto 'ixta', wal 'a jun c'u tic, tzwaln can 'ayex, chajtlto 'oj e chamn̈ej. Man̈ najtloc 'oj eyec' cajn 'a sat lum lum 'oj eyi'cn 'ec' 'a yic 'oj e c'axw 'ec' 'a yojl a Jordán.

Dt 31:7

Xlajw cha, 'ix yawtn cot Moisés win Josué 'a stz'ey, 'a sat smasnil eb' chon̈b' cha, 'ix yaln 'a 'ixtic: Caw te'n tzotj a b'a, man̈ ach xiwoc, yujto ach 'oj e'ch eb' 'anma tic 'a sat lum lum 'ix yac' Jehová sti ya'n 'a eb' qui mam quichmec. Ach 'oj a'cn 'och eb' 'a sat lu'um.