Dt 31:11 - Chuj San Sebastian Bible

¹¹ A yic tzyamn sb'a smasnil eb' chon̈b' 'a yojltac Jehová Dios, 'a jun lugar to sic'b'il 'el yu'uj, ata tz'awtx jun ley tic yab' eb' smasnil.

Dt 31:11 Referans Kwoze

A Ch'an̈ Schab'il Libro Yic Yab'ixal Eb' Rey 23:2

A yic 'ix jaw eb' 'ix 'at win rey 'a yatut Jehová yet' smasnil eb' 'anma 'ay 'a Judá, yet' eb' 'ay 'a Jerusalén, yet' eb' ya'mal 'och sti eb' 'anma 'a Dios, yet' eb' schecb' Dios, yet' smasnil eb' 'anma 'a jun nacion̈ cha, eb' may yel'chi, yet' eb' niwn yel'chi. A yic yamn xo eb' 'anma smasnil 'ix ya'n win rey 'awtxoc ch'an̈ slibroal trato x'ilchj 'a yatut Jehová.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Ex 34:24

An 'oj wi'l jun tzo'n̈ 'anma 'aych 'a sat lum lum cha, ax sniwnb'i can e lum cha, may mach tzaln 'ica'anc lu'um, ya' sb'a tzex jaw 'a wojltac an e Diosal in tic.

A Tas Sc'ulejnac Eb' Schecab' Jesús Hechos 15:21

Tzwal 'ixta', yujto 'a yictax pecti', 'ay eb' tz'awtn 'elt ley yic Moisés 'a junjn scapiya eb' quit israelal. An̈jtona ticnec, an̈ja yaln 'el eb' 'a junjn sc'ul 'iljelal, xchi Jacobo 'a eb'.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

Nehemías 8:13

Ax 'a junx c'u, 'ix syamn sb'a pax eb' yajl yaj 'a yib'n̈ junjn macn̈ eb' yican 'a scal smasnil eb' chon̈ab', eb' ya'mal 'och sti eb' 'anma 'a Dios, yet' eb' levita. 'Ix syam sb'a eb' yet' Esdras cha, yic tzmol cuyn eb' tas wal yel'ch tas tzyal ch'an̈ ley cha.

Nehemías 8:18

'Ix yawtj Esdras ch'an̈ libro yic ley 'a junjn c'u, schaj 'el 'a b'ab'l c'u masnto 'aj tzlajw uque c'u niwn q'uin̈ cha. Ax 'a junx c'u, 'ix syamn pax sb'a eb' yic tz'och eb' 'emmquilal 'a Jehová, 'icha yaln ley cha.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:14

Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.

A Ch'an̈ Schab'il Libro Yic Yab'ixal Eb' Rey 17:37

An̈jtona', tzeyiclj pax smasnil in checnb'il, in ley, in cuynb'il to tz'ib'b'il can wuj 'ayex; palta man̈ eyal e b'a 'a jun tzo'n̈ comn dios.