Dt 30:10 - Chuj San Sebastian Bible

¹⁰ Toto 'oj eyiclc smasnil tas tzyal Jehová qui Diosalec, tzeyiclj schecnb'il yet' scuynb'il tz'ib'b'il can 'a ch'an̈ un̈ yic ley tic, tze jeln e b'eyb'al 'a smasnil e c'ojol yet' 'a smasnil e nab'en. To 'ixta', 'oj e cha yaxilal cha.

Dt 30:10 Referans Kwoze

Dt 4:29

Palta toto a yic 'ayx 'ec' ta', ax snan sb'a e c'ojol, ax e c'ann scolwal Jehová qui Diosalec yet' smasnil e c'ojol mto yet' smasnil e nab'en, 'oj colwjoc ton 'ayex.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

Nehemías 1:9

palta toto 'oj e meltzj pax 'ayin, tzeyiclni in checnb'il, tze b'eylb'ani, wach'xam sactzicnac eyajcn 'at 'a 'aj tzlajw c'och yolyib'n̈q'uinal, palta 'oj ex in molb'tzoc cot 'a jun lugar sic'b'il 'el wu'uj, 'a 'aj tz'och 'emmquilal 'a in b'i, xa chi can 'a Moisés cha.

Dt 30:8

Ax xo tic tzex meltzj can pax 'a Jehová, tzeyiclni, tze b'eylb'an smasnil jun tzo'n̈ schecnb'il wan waln can 'ayx tic.

Dt 30:2

Toto ax tic yet' eb' eyunnal, eyisil tzex meltzj pax 'a Jehová yet' smasnil e c'ojol yet' 'a smasnil e nab'en, tze b'eylb'an pax jun tzo'n̈ schecnb'il wan waln can 'ayx ticnec,

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Ez 33:19

Ax pax junc 'ay smul, q'uinloc tzna sb'a, ax tas wach' tzb'o'o, a jun cha, ma'oj cham muc'uc.

Ez 33:14

Toto tzwal 'a junc 'ay smul cha, to tzchami, palta ax tz'aji, tznan sb'a sc'ojol, ax wach' tzb'o'o:

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 18:21

Toto 'ay mach maysch'olnil sb'eyb'al, palta tznib'j tzyactjcan jun maysch'olnil cha, syiclc cab' in ley, tzb'eylb'an tas tojol, a jun 'anma cha, ma'oj cham muc'uc.

Dt 29:21

A Jehová a 'oj pojnc 'el jun 'anma chi 'a scal smasnil eyin̈til, yic tzya'n 'och yailal 'a yib'an̈. Yuj cha, smasnil jun tzo'n̈ yailal tz'ib'b'il can 'a ch'an̈ un̈ yic trato 'ajtil tz'ib'b'il can smasnil ley, c'uxn 'oj jawc jun tzo'n̈ tic 'a yib'an̈.

Dt 30:11

A jun tzo'n̈ checnb'il wan wa'n eyojcoc can 'el tic, man̈ 'ajltacc qui yiclni, man̈ najtoc pax 'ayl 'a qui tz'ey.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.