Dt 3:1 - Chuj San Sebastian Bible

¹ Xlajw cha, chucx b'e 'aj on̈ 'atc paxi, 'ix qui tojlb'tzanc 'at qui b'a 'a chon̈b' Basán. Palta ax win Og sreyl jun nacion̈ cha, 'ix 'el yet' smasnil eb' soldado yic tzya'n owl quet'ec 'a chon̈b' Edrei.

Chuj San Mateo Bible

¹ Ix lajvi chi', ch'ocxo junxo b'e ix quic'a', ix on̈ b'atcan d'a Basán, palta a vin̈aj Og, sreyal jun chon̈ab' chi', ix elta vin̈ yed' smasanil soldado yac' oval qued'oc d'a Edrei.

Dt 3:1 Referans Kwoze

Dt 29:7

A yic on̈ jawc 'a jun lugar tic, 'ix 'elt win Sehón sreyl chon̈b' Hesbón yac' owl quet'ec, yet' win Og sreyl chon̈b' Basán, palta xlajw 'el eb' cujec.

Dt 1:4

A yic mantzac yal Moisés jun tzo'n̈ tic, 'emnc xo win Sehón sreyl eb' amorreo yuj eb' israel. Ata cajn win 'a chon̈b' Hesbón. 'Ix 'em pax win Og sreyl Basán yuj eb'. Ata cajn win 'a Astarot yet' 'a Edrei.

Salmos 136:20

Smiln pax win Og, atn win sreyl eb' 'aj Basán. A schamc'ojlal Dios 'ayn̈j 'a smasnil tiempo.

Nehemías 9:22

'Ix ac' jun tzo'n̈ chon̈ab' yet' jun tzo'n̈ nacion̈ 'a eb'. Xa pojn 'ec' slum eb'. Xchan eb' smacl lum 'a Hesbón, atn 'a jun chon̈b' chi 'aj 'aych win Sehón reyal, yet' 'a Basán, 'a 'aj 'aych win Og reyal.

A Ch'an̈ B'ab'el Libro Yic Yab'ixal Eb' Rey 4:19

Geber yunnal Uri, a 'ajcuenta yi'n cot jun tzo'n̈ chi 'a yol yic Gad, atn 'a schon̈b' can Sehón sreyl can eb' amorreo, yet' Og sreyl can Basán. Cojn win chi yajl yaj 'a jun macn̈ lum lum cha.

Josué 13:30

A eb' x'ica'an smasnil lum yic win Og sreyl Basán, smasnil lum Mahanaim yet' 60 chon̈b' 'ay 'a yol yic Jair 'a yol yic Basán cha.

Josué 12:4

Ax win schab'l cha, atn win Og, win sreyl Basán, cojxn jun winc chi cann̈c can 'a scal eb' yin̈tl Refa, ata 'e'nc cajn win 'a Astarot yet' 'a chon̈b' Edrei.

Josué 9:10

'Ix cab' speclal tas x'aj chawn̈ eb' sreyl eb' amorreo yu'uj, eb' cajn 'a sc'axpil 'ec' sti a Jordán, atn win Sihón sreyl Hesbón yet' win Og sreyl Basán, cajn 'a chon̈b' Astarot.

Dt 31:4

A Jehová 'oj satnc 'el jun tzo'n̈ chon̈b' cha, 'icha 'ix yutj satn 'el eb' sreyl eb' amorreo, atn win Sehón yet' win Og, c'uxn satl eb' yet' schon̈ab'.

Dt 3:2

Yuj cha, xyaln Jehová 'ayn 'ixtic: Man̈ ex xiwoc, a win rey tic yet' smasnil eb' soldado yet' pax smasnil schon̈ab', tox 'ix wac' eb' 'a yol e c'ab'. 'Icha wal xeyutj win Sihón, win sreyl eb' amorreo cajn 'a Hesbón, 'ixta pax tzeyutj e satn 'el eb', xchi 'ayin.

Dt 2:32

'Ix 'el Sihón on̈ scha yet' smasnil eb' soldado, yic tzya'n owl quet'ec 'a Jahas.

Josué 12:1

'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.